даҕ.
1. Биирдиилээн киһи бас билэр, киһи бэйэтин киэнэ, кэтэх (хол., дьиэ). ☉ Частный, индивидуальный, находящийся в собственности у кого-л. (напр., дом)
Мин биир чааһынай мастарыскыайга туокардаабытым. П. Филиппов
Нэһилиэнньэлээх пууннарга чааһынай сүөһүнү эмтиир бэтэринээр баар буолла. А. Чугунов
Чааһынай маҕаһыын элбээтэ. ТТК
2. Киһи бэйэтин эрэ киэнэ, бэйэтэ эрэ билэрэ, быһаарара (хол., тус олоҕо). ☉ Частный, личный (напр., о жизни)
[Көстөкүүн:] Таптал диэн чааһынай дьыала буоллаҕа дии. Күндэ
— Мин кэргэммиттэн арахсыам. — Ама, ол сөп буолуо дуо? — Ол бэйэм чааһынай дьыалам. В. Яковлев
◊ Чааһынай атыыһыт — чааһынай атыынан дьарыктанар киһи, урбаанньыт. ☉ Человек, занимающийся частной торговлей, частный торговец
Норуоппут бука барыта кэпэрээссийэҕэ холбоһуоҕа, оччоҕо биир да чааһынай атыыһыты …… булуохпут суоҕа. П. Ойуунускай
Аны чааһынай атыыһыт буолбатахпын. Болот Боотур
Чааһынай бас билии — бас билии диэн курдук (көр бас II). Сири чааһынай бас билиигэ биэриэххэ. ВУА БС
Холбоһон үлэлээһин чааһынай бас билиигэ охтуу үгэһин …… сыыйа туоратар. ЭБТ
Чааһынай эргиэн көр эр- гиэн. Билигин чааһынай эргиэни бобобут. Н. Якутскай
Чааһынай эргиэн диэни билбэтэх, халбаҥнаабат сыанаҕа үөрэммит …… киһиэхэ ити курдук хардарыта торгуйдаһыы бөҕөнөн атыылаһар көрүөххэ толооһо сүрдээх. «ХС»