трико (ткань).

аат., кэпс. Спортивнай ыстаан көрүҥэ. ☉ Вид спортивных брюк
Оччолорго трико, борцовка кимиэхэ да суоҕа. Бары таапачыканан уонна искиэрэнэн сылдьан эрчиллэллэрэ. «ХС»

1. аат. Тас таҥас буолар, халыҥ сиэрис биитэр холуопак матырыйаал. ☉ Трико (ткань)
   Бирикээсчиктэр кэлэн мантан сукуна, бэйбириэт, түрүкүө ылан бараачччылар. Болот Боотур
   Ийэтэ күһүн-саас эрэһиинэ саппыкы иһинэн кэтиэ диэн түрүкүөнэн кэтинчэ тиктэ. В. Иванов
   Бырааһынньык буолаары гыннаҕына дэриэбинэ дьоно бүтүннүү кэлэр, түрүкүөнэн дьоҥҥо көстүүм, бүрүүкэ тигэр. ПНИ АДХ
2. даҕ. суолт. Түрүкүөттэн тигиллибит, оҥоһуллубут. ☉ Сшитый, сделанный из трико. Түрүкүө сон
   □ Уол ити тыллары нэһиилэ ыган таһааран баран тохтоон хаалла, эргэ түрүкүө хортууһун убахтыы олордо. Софр. Данилов
   [Уулаах] кубарыйбыт түрүкүө ыстаанын ыыстаах ынах тириитэ этэрбэс таһынан сабырыччы түһэрбит. Эрилик Эристиин
   Кини түрүкүө тастаах, саһыл истээх сонун дьураалаах курунан бобо тардыммыт. АХС