аат., эмт. Эмтээх убаҕаһы испириистээх иннэнэн тирии анныгар, быччыҥҥа, тымырга киллэрии. ☉ Укол, инъекция
Быраас укуола даҕаны Быһыыта, улаханнык көмөлөстө. С. Васильев
Быраас хас да ыарахан ыарыһахха систиэмэ туруоралларыгар соруйда, эбии укуоллары анаталаата. Н. Лугинов
Үгүстүк сүпсүгүрбэккэ тып-тап туттан, испириистэрин бэлэмнээн, укуол оҥоро оҕустулар. Р. Баҕатаайыскай

даҕ. Бэйэтин, туттар малын, дьиэтин-уотун ыраастык тутар, ыраас туттуулаах, чэнчис. ☉ Чистоплотный, опрятный
Сэмэй уонна чэбэр Маайа саҥата суох, бэркэ кичэйэн туран дьиэтин миинньиктээн, бөҕү-сыыһы кытта күрэстэспитинэн барда. Амма Аччыгыйа
Чэбэргинэн аатырбыт Чэҥэрикээн куоскаа! Буорга булкуллан Букунаһан эрэр Бодоҕун даа! Р. Баҕатаайыскай
[Тамара] ис-иһиттэн чэбэр, тып-тап курдук тутта сылдьар кыыс. АА ИБ
ср. тюрк. чэбэр, монг. цэвэр ‘чистый; красивый’

аат. Ким эмэ төрүт өбүгэлэриттэн саҕалаан үөскээбит төрдүнууһун ааттаан-суоллаан, ымпыктаан-чымпыктаан бэриллибит тиһигэ. ☉ Подробная история рода, родословная
Тып-тап туттубут, куруутун үөрэн мичилийэ сылдьар учууталыгар ватман кумааҕы чиэппэригэр оҥорбут төрүччүтүн саҥата суох туттаран кэбистэ. НТП СОоЭС. Далан саха төрүттэрин уонна киин улуустар сахаларын төрүччүлэрин бэрт үчүгэйдик билэрин бэлиэтиир наадалаах. ПГВ ККК. Бу икки төрүччүгэ Эрилик Эристиин чугас, тастыҥ, үйэ-хайа аймахтара, биллэн турар, бары кыайан киирбэтилэр. «Чолбон»

даҕ.
1. Кыракый, улахана суох (кээмэйинэн, сабардамынан, киһитин ахсаанынан). ☉ Небольшой, маленький, аккуратный (по объему, размеру, количеству)
Кинилэр дьоҕус ыаҕайаларын кыл имэрийэ дьэдьэннээхтэр, үөрбүт-астыммыт дьүһүннээхтэр. В. Протодьяконов
Мин эмиэ дьоҕус, чоҥолох алаас куулатыгар төрөөбүтүм. Сэмээр Баһылай
Дьоҕус истипиэндьийэ сыыһыгар тэҥнээтэххэ, кини ылбыт гонорара бүтүн баайга тэҥнээҕэ. Н. Заболоцкай
Үс киһилээх дьоҕус коллективка кыстык устатыгар үс сүүс тонна талах мээккэтин бэлэмниир былаан тириэрдиллибититтэн билигин икки сүүс сүүрбэ биэс туоната мээккэлэннэ. «Кыым»
△ Кылгас, уһуна суох, тэттик. ☉ Короткий, небольшой
Поэт отутус сыллардаахха, эдэр дьон саҥа уһуктан эрэр сэмэй, килбик тапталларын туһунан «Санаатым» диэн дьоҕус хоһоонугар, урут саха поэттарыттан ким да эппэтэх истиҥ, сылаас тылларынан суруйбута. Эрчимэн
Биэс нүөмэрдээх агитзона кэлэктиибэ икки дьоҕус пьесаны туруоран, олохтоохтор биһирэбиллэрин ылла. «Кыым»
Манна эбиэххэ наада өссө тапталы киһи аймаҕы өлбөт-сүппэт үйэлиир, олоҕу салгыыр күүс быһыытынан арбыыр лирическэй киллэһиги, саха норуотун ааспыт өттүн көрдөрөр дьоҕус историческай ыспыраапканы. ФЕВ ДьС
2. Тып-тап курдук, үчүгэйдик, кичэллээхтик оҥоһуллубут. ☉ Аккуратный, удобный, хорошо сделанный
Маҥнай сатыаҥ суоҕа. Иккиһин оҥордоххуна - уга туллар, тииһэ тостор бэйэтэ томороон да буоллар, син киһи туттар кыраабыла буолуо. Үсүһүн оҥордоххуна - үчүгэй, дьоҕус баҕайы кыраабыл буолуо. Амма Аччыгыйа
[Кыыс] атаҕар уран тарбахтарынан оҥоһуллубут сахалыы оҕуруо оһуордаах дьоҕус тыс этэрбэстээх. Н. Лугинов
Оҕолор тыраахтар подшипнигын булан аҕалбыттар. Илдьэ сылдьыахха дьоҕуһа, оҥоһуллубута нарына оҕо эрэ ымсыырыах мала. Н. Заболоцкай