тысяча; тыл хаалыан кэриэтэ тыһыынча бардын погов. чем нарушить данное слово, лучше лишиться тысячи (рублей).

1. төһө ахс. аат. 1000 сыыппараны, ахсааны бэлиэтиир тыл. ☉ Слово, обозначающее число, цифру 1000, тысяча
   Сопхуос табатын ахсаана билигин түөрт сүүстэн тахса тыһыынча. Н. Якутскай
   Тыһыынча тоҕус сүүс уон тоҕус сыллаахха Тыаллаахха, тымныыга, Муус күһүн, Хаардаах күн Төрөөбүт үһүбүн Биир дууһа, Биир киһи, Биир саха — Мин. П. Тобуруокап
   «Өйдөөбөтүм, чэ, быһата уонча тыһыынчаҕа тиэрдэн баран, аахпатаҕым», — диир Дьэллик, быыкаа тимир хамсатын оборо олорон. Н. Заболоцкай
2. аат суолт. Тыһыынча солкуобай. ☉ Тысяча рублей
   «Ону оҥордоххутуна оччо тыһыынча, маны бүтэрдэххитинэ бачча тыһыынча», — диэн тылларын тамаҕар быһа барбах тыһыынчанан эрэ эҥсиллэр. Н. Лугинов
   «Улахан хара дьааһыкка тыһыынча түөрт мөһөөх суох этэ дуо?!» — диэн тойон кускуйан биэрэр. Эрилик Эристиин
3. даҕ. суолт. Олус элбэх, ахсаана биллибэт. ☉ Многочисленный, неисчислимый
   [Борокуот аал] Тыһыынчанан биэрэстэни Тыынан көрбөтө, Сүүһүнэн көскө Сүүрэрин мөлтөппөтө, Эппит сиригэр иттэ, Анаабыт сиригэр аҕалла! Өксөкүлээх Өлөксөй
   Тыһыынчанан уу таммаҕа биһигини тула күн уотугар өрө чаҕылыйан күндү таас кыырпахтарын курдук бырдаҥаластылар. И. Данилов
   Тыһыынчанан киһини өлөрбүттэр уонна бааһырдыбыттар. В. Ленин (тылб.)
   ♦ Бэстилиэнэй тыһыынча көр бэстилиэнэй
   «“Бэстилиэнэй тыһыынча” туолара аҕыс уонча эрэ сыл хаалла», — диэн биир үөрэхтээх киһи эппит. Амма Аччыгыйа
   Тойон таҥара! Бэлиэр бэстилиэнэй тыһыынча туолан эрэр дуо? М. Доҕордуурап
   русск. тысяча