Якутские буквы:

Якутский → Русский

түөрэй

деревянная палка с отверстием (куда вставляется рукоять сачка при рыбной ловле).

Якутский → Якутский

түөрэй

аат., балык. Куйуур маҥкытын эбэтэр суоруна тутааҕын уган эргитэргэ туттуллар ортотунан үүттээх мас. ☉ Деревянная палка с отверстием (служащая рукояткой чего-л., напр., сачка, жёрнова)
[Бэрт Хара] икки улахан тиитинэн наарбалаан оҥостубут түөрэйэ. Саха фольк. Түөрэйин ойбон дьабадьытыгар хам үктээтэ, маҥкытын күнү батыһыннара эргитэн куодьаҥныы-иэдьэҥнии турда. И. Никифоров
Куйуурдьут куйуурун таһааран, түөрэйин ылан хайыҥҥа аспыт. БСИ ЛНКИСО-1994

Еще переводы:

хачыгаардаа

хачыгаардаа (Якутский → Якутский)

туохт. Хачыгаарынан үлэлээ. ☉ Работать кочегаром
Саша дьоно суохтара, аҕата хачыгаардыы барбыт этэ, оттон ийэтэ — маҕаһыыҥҥа. Далан
[Түөрэй Дьөгүөр] остуорастаан, хачыгаардаан олорон биэнсийэҕэ тахсыбыт. П. Аввакумов
Андрей Николаевич тиийээт, хара үлэҕэ үлэлээбитинэн барбыт: хачыгаардаабыт, пилорамаҕа үлэлээбит. ЕМП БС

куйуур

куйуур (Якутский → Якутский)

аат.
1. Саас ойбон алларан балыктыыр тэрил: кыл сиэккэ айаҕын мас иигэ (куойа) тиириллэр уонна укка олордуллар. ☉ Рыболовный сак
Икки улахан тиитинэн наарбалаан, уһун түөрэй оҥостон, баҕадьы (муҥха) курдук куйуурунан саас күөлгэ …… ортотугар киирэн тэһэн, куйуурун уган булкуйар. Саха фольк. Сэбирдэх Уйбаан эмиэ, сарсын уола оскуолатыттан өрүүр күнүгэр илдьэ бараары, куйуурун абырахтана олорор. Амма Аччыгыйа
Балыктыыр дьон муҥхалары, илимнэри, куйуурдары, туулары, ардьалары, дүлүҥ уонна туос тыылары оҥостоллор. БИГ ӨҮөС
2. Куйуурунан балыктааһын. ☉ Ловля рыбы саком
Куйуурга ойбону Ааныска алларан кудьурҕатара, эр киһи [Дьөгүөссэ] араччы ситэн муус харбыыра үһү. Амма Аччыгыйа
Табаҕа күөлүгэр куйуурга күрэхтэһии тэрилиннэ. «Кыым»
◊ Куйуур от бот. — кыракый үөнүнэн-көйүүрүнэн аһылыктанааччы уу үүнээйитэ. ☉ Пузырчатка (болотное растение)
Көлүйэлэргэ уонна күөллэргэ уу үрдүгэр көҥүл уста сылдьар дьоҕус сибэккилээх үүнээйилэр бааллар. Ол кус аһылыга (ряска) уонна куйуур от (пузырчатка). КВА Б
ср. монг., бур. губшуур, гувчуур ‘рыболовная сеть, невод’