Якутские буквы:

Якутский → Якутский

унаар-мунаар

унаар-мунаар урсуннаах фольк. Араас өҥүнэн толбоннуран дьиримнии турар тунааран көстөр (ньуурдаах). ☉ Переливающийся разными оттенками красок и покрытый лёгкой пеленой (о поверхности лугов, полей)
Унаар-мунаар урсуннаах Улуу дураар хонууга Тэбэр тилэх ньиргийдин! Тэйэн-тэбэн иһиэххэ. П. Ойуунускай
Улаҕата-уҥуоргута биллибэт, Устата-туората көстүбэт, Унаар-мунаар урсуннаах Уһун дураар толоон Орой киинигэр Олоҕурбут аххан эбит Обургу дьаалы, бу киһи. Суорун Омоллоон
Убайым олоҥхотугар этиллэринии, унаар-мунаар урсуннаах Улуу Хочону уллуҥаҕынан үллэстэр хойуу киһи мустубут. БН СУ

Еще переводы:

көҕөрөөхтөө

көҕөрөөхтөө (Якутский → Якутский)

көҕөр диэнтэн атаах. (үксүгэр поэзияҕа, норуот ырыаларыгар тут-лар)
Көтөр-сүүрэр кыыллардаах, Көҕөрөөхтүүр хонуулаах Сирдэригэ дойдубут Симэхтэрэ ситтилэр. Саха нар. ыр. II
Унаар-мунаар урсуннаах, Уйаар-куйаар толоонноох, Көҕөрөөхтүүр кырыстаах Көбүө-көмүс ийэ буорбут. П. Ойуунускай

эҕилдьит

эҕилдьит (Якутский → Якутский)

дьүһ. туохт. Биир тэҥ түргэннээхтик, эрчимнээхтик куоласкын араастаан оонньотон саҥар, ыллаа. ☉ Ритмично, звучно говорить, рассказывать, петь
Эриэккэстик этэн-тыынан Эҕилдьитэн киирдэҕинэ — Унаар-мунаар көрбүт Урааҥхай саха барахсан, Нохтолоох тойон сүрэҕэ долгуйан, «Ноо!» диирэ эбитэ үһү. П. Ойуунускай
Нөөрүктээйи олоҥхоһута Дьэрэкээн Силик олоҥхо сирин-дойдутун ситэрэн-силигилээн, этэн-тыынан эҕилдьитэн киирэрин хайҕаабыттара. «Чолбон»
Константин Константинович этэн-тыынан эҕилдьитэн, көрөн-истэн күлүмнэтэн биһигини билиһиннэрэ турбута. «ХС»

уста-туора

уста-туора (Якутский → Якутский)

аат. Туох эмэ киэҥэ, киэҥ сабардама. ☉ Площадь чего-л.
Устатын-туоратын харах дала ылбат. Амма Аччыгыйа
[Эбэ Хотун барахсан] устата-туората биллибэккэ, килбэйэкүндээрэ, нэлэйэ-хотойо, оргууй устара ууһун, намыынын эбитин! Суорун Омоллоон
Чаҕыл Иванович, хайдах эрэ, бу ходуһаны уруккуттан бэркэ билэр, устатын-туоратын уллуҥаҕынан элбэхтик мээрэйдээбит сирин курдук санаталаата. С. Никифоров
◊ Устата-туората биллибэт (көстүбэт) — олус киэҥ, нэлэмэн сиринэн тайаан сытар, улаҕата көстүбэт. ☉ Безграничный, необъятный, бескрайний
Устата-уҥуоргута биллибэтэх, Устататуората көстүбэтэх, Унаар-мунаар урсуннаах, Уһун тунаар хонуулаах Улуу хочом. П. Ойуунускай
Устата-туората биллибэт сис тыаҕа үрүйэ тахсар. Амма Аччыгыйа
Кыыс Хотун өндөйөн көрбүтэ, устата-туората биллибэт байҕал ортотугар баар эбит, тыа ырыых-ыраах ии буолан көстөр. А. Сыромятникова