туохт.
1. Аалан, хататтаан кылаанын таһаар, сытыылаа (биилээх, уһуктаах туттар сэби). ☉ Точить, заострять (колюще-режущие предметы)
Бэртээхэй быһаҕы Уһуктаан, кылааннаан, Удьурхай уктаан, Ситэрэнхоторон Эйиэхэ оҥордум. Эрчимэн
Саҥа хаптаҕай игии кылаанныырга куһаҕан, доҕуута элэйбитэ ордук. ПАЕ ОСС
2. Түүтүн тупсар, кылааннаах гын. ☉ Улучшить качество шерсти (чтобы она стала остистой)
Күндү түүлээх киистэрим, Күп-күөх күкээркэй тииҥнэрим Кэрэчээн таҥастарын — Көп түүлэрин кылааннаары Манна кыһын адаҕыйар. С. Данилов
Кыһыммыт кылбаҥнас кылаанныыр Саарбаны, саһылы, кырсаны. И. Эртюков
3. көсп. Сытыырхат, күүһүрт, тупсаран биэр. ☉ Резче, четче обозначить главное, существенное в чем-л., подчеркнуть, заострить что-л. Кылаассабай сэргэҕи Кылаанныыры модьуйар Уонтан тахса суол пууннаах Уһун уураах ылылынна. Күннүк Уурастыырап
Оо, иэйии, сарыалга дьиэрэйэн, Оҕолуу айааран уһугун. Кынаттыыр бөрүөбэр дьиэрэй эн, Кылааннаа тыл сытыы уһугун! Р. Баҕатаайыскай
Дьоннуун бодоруһан, өйдөөх киһи бэйэтин чувстволарын кылааннаан, өйүн-санаатын өссө сайыннаран биэрээччи. ПБН КДьСО