Якутские буквы:

Якутский → Якутский

уһуктан-кырыылан

туохт.
1. Сытыы уһуктаах төбөлөөх буол. ☉ Иметь острый конец
Кини сөмөлүөт кэбиинэтигэр киирэн, уһуктанан-кырыыланан алдьаммыт чарпаларын наардыыр санаалаах этэ. Амма Аччыгыйа
Таас үрэхтэр хайа солоон киирэр сирдэринэн халҕаһа хайалар эмискэ үрдээн, өрө үллэн, уһуктанан-кырыыланан, тубус-туруору кыһааҥкы буолан бараллар. Г. Нынныров
2. көсп. Киһини хаарыйар, кыһыылаах-абалаах буол (хол., тылы-өһү этэргэ). ☉ Быть острым, колючим (напр., о языке)
Мэктиэтигэр хас тыла барыта уһуктанан-кырыыланан хаалбыкка айылаах. Софр. Данилов
Биитэр тыла-өһө кэнникинэн эмиэ уһуктанан-кырыыланан кэлиэх муҥа эбитэ дуу. «ХС»
3. көсп., кэпс. Олус сытыырхай, кэлбар. ☉ Стать смелым, бойким, расхрабриться
Дьэ, эмиэ чолбоодуйан, сундулуйан, уһуктанан-кырыыланан, олопочуйан-чолопочуйан эрэҕин ээ, оҕом сыыһа. В. Яковлев

Еще переводы:

кыһааҥкы

кыһааҥкы (Якутский → Якутский)

аат.
1. Туох эмэ үрдүк, туруору, модьоҕо курдук бүүрүгэ. ☉ Высокое, отвесное обрамление, окаймление чего-л. [Кыыллаах арыы] Кыра чай таас кыһааҥкылаах, Кыһыл кумах кытыылаах. Саха нар. ыр. I
Таас үрэхтэр хайа солоон киирэр сирдэринэн халҕаһа хайалар эмискэ үрдээн, өрө үллэн, уһуктанан-кырыыланан, тубус-туруору кыһааҥкы буолан бараллар. Г. Нынныров
2. Туох эмэ ааһарыгар, салгыы барарыгар хахха, мэһэй. ☉ Преграда, помеха
Дьабыылларга хотуттан үрэр тыалтан кыһааҥкы буолан турар хара тыа үрдүнэн чэгиэн тыал оонньообута үчүгэйгэ дуу, куһаҕаҥҥа дуу? Г. Нынныров

санаалаах

санаалаах (Якутский → Якутский)

даҕ.
1. Хайдах эмэ майгылаах, сигилилээх. ☉ Имеющий тот или иной нрав, характер. Үтүө санаалаах дьон. Бардам санаалаах киһи
□ Абааһы хараҥа, куһаҕан санаалаах, бары алдьархай, өлүү-сүтүү киниттэн тахсар
Саха фольк. Бу аата буолар …… алгыстаах санаалаах айыы аймаҕын, күн өркөн улууһун бастыҥ бухатыыра диэн. Суорун Омоллоон
Сымнаҕас холку майгылаах …… сырдык, ыраас санаалаах дьахтар. Н. Заболоцкай
2. Туохха эмэ туох эмэ өйдөбүлү тутуһар, итэҕэйэр уонна ону ылыммытын толорорго төһө эрэ дьулуурдаах. ☉ Имеющий какое-л. убеждение, придерживающийся каких-л. принципов
Көрбүт хараҕын чыпчылыйыа, Туппут илиитин мүччүрүтүө, Эппит тылын төннөрүө суох Кытаанах санаалаах Кыыс дьахтар быһыылаах. А. Софронов
Айдар Петрович сүнньүнэн сөп санаалардаах эрээри эмиэ да наһаалыыр. Н. Лугинов
Кини тугу эппитин барытын толордохпуна эрэ тыыннаах буолар курдук санаалаах этим. Эрилик Эристиин
Бырабыыталыстыбаны утары санаалаах дьону сойуолааһын Иркутскайга ордук күүһүрбүтэ. П. Филиппов
3. Туох эмэ баҕалаах, тугу эмэ оҥорор өйдөөх. ☉ Имеющий какое-л. желание, намерение
Кини сөмөлүөт кэбиинэтигэр киирэн уһуктанан-кырыыланан алдьаммыт чарапчыларын наардыыр санаалаах этэ. Амма Аччыгыйа
Соҕуруу бастакы барыыбар Нина ийэтиттэн хом санаан, аны кинилэргэ дьиэлэрин өҥөйбөт санаалаах кэлбитим. Далан
Мин музыкальнай оскуолаҕа киирэр санаалаах этим. С. Ефремов