Якутские буквы:

Якутский → Якутский

чобурҕатыһыы

чобурҕатыс диэнтэн хай
аата. «Уураһан чобурҕатыһыы бөҕөтө диэ!» — Мүчүк күлэн ыдьырыта олордо. Р. Баҕатаайыскай

чобурҕат

  1. чобурҕаа диэн курдук. Уола маҥнай ылбат, онтон сурдургуу-сурдургуу суосканы эмэн чобурҕатан барар. Н. Якутскай
    Чоочо Чөмчүөрэни түөһүгэр ыга кууста уонна иэдэһиттэн тыастаахтык убураан чобурҕатта. И. Гоголев
    Тиийэн көрбүтэ, намыһах уҥуохтаах ынахпытын сибиинньэбит оҕото кэлэн кэлин атаҕар туран эмэн чобурҕатар эбит. «ББ»
  2. Толлубакка, иҥнибэккэ сытыытык, чобуотук саҥар. ☉ Говорить бойко, смело, без запинки
    Афанасьевым мин эппиппин тахсан хобулаан чобурҕатан биэрбит быһыылаах. Далан
    Уолаттар [андаҕар тылларын] үтүктэн чобурҕатан биэрбиттэрэ. «Чолбон»

чобурҕатыс

чобурҕат диэнтэн холб. туһ. [Кыргыттар] Оҕолору кытта Уураһан чобурҕатыстылар. Өксөкүлээх Өлөксөй
Дьүөгэлиилэр үөрүүлэрин омунугар куустуспуттара, иэдэс-иэдэстэриттэн уураһан чобурҕатыспыттара. Н. Якутскай
Куустуһан баран, окко охтон түһэ сытан уураһан чобурҕатыһарбыт. П. Аввакумов

Якутский → Русский

чобурҕат=

побуд. от чобурҕаа=.

Еще переводы:

осыпать

осыпать (Русский → Якутский)

сов., осыпать несов. кого-что 1. см. обсыпать; 2. (усеять) тарҕаччыыс, бачыгы-рат; нёбо осыпано звёздами халлааҥҥа сулустар бачыгыраспыттар; # осыпатьлоцелуями убураан чобурҕат; осыпать упрёками сэмэлээн кэний.

үҥүлүй

үҥүлүй (Якутский → Якутский)

туохт. Муннугунан анньыалаа, үтүөлээ (хол., ньирэй ийэтин эмиийин эмэригэр). ☉ Тыкаться мордочкой, приникать к вымени матери (напр., о телёнке)
[Кулунчуктар] ийэлэригэр тиийэн үҥүлүйэн, эмэн чобурҕаппытынан бараллар. В. Протодьяконов
Тиэргэн аттынан истэхтэринэ, «Алакаайы» диэн соҕотох ынаҕын оҕото үҥүлүйэ турар эбит. М. Доҕордуурап
Светлана бытыылкатын төлө тута сыспыта, таба оҕото оннук күүскэ үҥүлүйэрэ. ВЛ РБЫ

эм

эм (Якутский → Якутский)

туохт.
1. Эмиий тумугун уоскунан оборон үүтүн ис (оҕо уонна үүтүнэн иитиллээччилэр төрүөхтэрин туһунан). ☉ Сосать грудь матери (матки), высасывать из неё молоко (о ребёнке, детёныше млекопитающих животных)
Күөх тугуттар ийэлэрин эмэннэр Чуп-чубугурастар, күннээн эрэллэр. С. Данилов
Махсыымка эрэйдээх, ийэтин эмиийин эмэн, уоһа боллойон олороро субу баар ээ. Софр. Данилов
[Кулунчуктар] ийэлэригэр тиийэн үҥүлүйэн, эмэн чубурҕаппытынан бараллар. В. Протодьяконов
2. Айаххар илдьэ сылдьан уоскунан соппой, тылгар мөкүнүҥнэт. ☉ Держать что-л. во рту, разминая губами, языком, сосать что-л. Оҕо тарбаҕын эмэр. П. Тобуруокап
Оҕото кэмпиэт аҕалан биэрбитин, онтун эмэ-эмэ: «Ити кэһиилэри ким аҕалан биэрдэ?» — диэн ыйытар. Күндэ
Хата киһиҥ кыһаммат, суоскатын эмэн чобурҕата сытар. С. Ефремов
△ Тугу эмэ айаххар уган уоскунан эпсэри ылан обор, соппой (хол., хамсаны). ☉ Втягивать, всасывать губами что-л. в рот, сосать что-л. (напр., трубку)
Сыгынньах ойуун уотун иннигэр арбайан, хаана болодуйан, хамсалаах табаҕын эмэн соппойо-соппойо, эмиэ саҥата суох олорбута. Н. Якутскай
3. көсп. Олохсуйан, ааһан-араҕан биэрбэккэ, киһи күүһүн ыл, кэбирэт (ыарыы, санаа-оноо туһунан). ☉ Подорвать, расшатать здоровье, причинить страдания (о болезни, о длительной тупой боли, переживаниях)
Өлөксөөс ахтылҕан маннык күүстээҕин, сүрэҕи-быары маннык ыарыылаахтык эмэрин урут сэрэйбэт этэ. В. Гольдеров
Бу киһи сүрэҕин-быарын эмэр, сааһын сарбыйар улуу аһыыттан кинилэри хайдах гынан быыһыах баарый. Н. Түгүнүүрэп
Хомойуох иһин, кини уһуннук олорботоҕо. Саамай күөгэйэр күнүгэр сылдьан, ыарахан ыарыы эмэн, бэрт уһуннук ыалдьан өлбүтэ. СМН ТС
4. көсп., кэпс. Кими эмэ көлөһүннээ, үбүн-аһын бэйэҕэр иҥэрин, мөлтөт-ахсат. ☉ Эксплуатировать кого-л., выжимать пот из кого-л.
Үрүҥ күн анныгар үлэһит кылаас күүһүн хааннаах хара көлөһүнүн хапытаал-хабала эмпиттэрэ. П. Ойуунускай
Бэһиэлэйэп мин хара көлөһүммүн эмпитин харахтаах бары көрбүт суола ини. Амма Аччыгыйа
Баайдар бырыһыанынан, хабаланан дьон сүмэтин эмэн олорбуттара аны уурайыахтаах. М. Доҕордуурап
5. көсп. Төлөрүппэт гына ыга ыл (омсолоох куһаҕан дьаллык туһунан). ☉ Засасывать, затягивать кого-л. (о каком-л. пороке, дурной привычке)
Тоойуом, кэбис, итинник этимэ. Арыгы эмэн ылбытын киһи эрэ билбэккэ хаалар. Э. Соколов
ср. др.-тюрк. ем, тюрк. ем, эм ‘сосать’