туохт.
1. Тыалга күүскэ, киэҥ-киэҥник тэлимнээ, тэлибирээ (хол., былаах туһунан). ☉ Широко развеваться на ветру (напр., о флаге)
[Бырааһынньыкка] Ыллыы-ыллыы, тэллэҕэ тэлээрэ, Кыыс үҥкүүлээн чохчороҥноото. Дьуон Дьаҥылы
Сотору бырааба үрдүгэр тэлээрбит кыһыл знамя оннугар маҥан былаах ыйанна. М. Доҕордуурап
Бука бары иннилэрин диэки, салгыҥҥа кыһыл знамя тэлээрэр сиригэр дьулустулар. М. Горькай (тылб.)
2. Салгыҥҥа чэпчэкитик уйдара көт. ☉ Плавно плыть по воздуху, реять, парить
Хатыҥтан сэбирдэхтэр тэлээрэн Лыах курдук эйэҥнээн көтөллөр. Эрилик Эристиин
[Таһырдьа] сылгы чыычаахтара айманаллар, лыахтар тэлээрэллэр. Г. Угаров
Сорох көтөр салгыҥҥа тэлээрэ сылдьан утуйар. ДьДьДь
3. көсп., кэпс. Салгыҥҥа уйдаран эрэрдии чэпчэкитик, түргэнник сүүр. ☉ Бежать легко и быстро в развевающейся одежде
[Оҕолор] ийэлээх аҕаларын эккирэтэн тэлээрэллэр. Күннүк Уурастыырап
Эдэригэр түспүт эмээхсин уон аҕыстаах кыыс курдук сүүрэн тэлээрэр. Т. Сметанин
[Ньукулай] тобугун имэринэн, үҥкүүлээн тэлээрэн ааста. А. Сыромятникова