Якутские буквы:

Якутский → Якутский

чөмөччү

сыһ. Дьып-дьап курдук, чөмөҕөлүү (тугу эмэ уур, хомуй). ☉ Аккуратно, в кучу (собрать, сложить что-л.)
Куукунаҕа …… дьоодьойбут остуол үрдүгэр, түгэх хоско …… чөмөччү хомуллубут оронун анныгар кураанах бытыылкалар. Е. Неймохов
Утуйар таҥас чөмөччү, хороох дуобат курдук хомуллубут. «ХС»

Еще переводы:

чорболдьуй

чорболдьуй (Якутский → Якутский)

чорбой диэнтэн арыт
көстүү. Кунан оҕус чорболдьуйар нокоолоох Буутун чөмөччү буһардылар. П. Ядрихинскай
[Хотун] уоһун олоруутун көрүө этигит, уһуктана-уһуктана чорболдьуйан, төбөлөнө-төбөлөнө чубугураан! Э. Соколов

чөмчөччү

чөмчөччү (Якутский → Якутский)

көр чөмөччү
[Сайсары:] Адьас чөмчөччү хомунан олоробут. Суорун Омоллоон
Оҕолоор, биһиги ити куһаҕан хотону ылан үчүгэйдик оҥорон, мөлбөччү сыбаан, чөмчөччү харбаан кэбиһиэҕиҥ. «ХС»
Муус-маҥан сабыылаах икки орон, үс муннуктуу чөмчөччү туруоруллубут сыттыктар. «Чолбон»

күлүүкэ

күлүүкэ (Якутский → Якутский)

аат. Оһох чоҕун булкуйарга аналлаах, аҥаар уһуга токур тимир. ☉ Кочерга, клюка
Мордобеев оһоҕу булкуйа турбут тимир күлүүкэтэ оһох иһигэр сытарын харбаан ылар. Н. Якутскай
«Оҕом, бүгүн, хата, эрдэ кэллэ», — Маайа эмээхсин үөрэ көрүстэ, күлүүкэни ылан, оһоҕун чоҕун түгэҕэр чөмөччү аста. М. Попов. Сүгэҥ, баһымньыҥ, булуугуҥ, долбуургар турар туох баар дьиэҥ тээбиринэ: чугуунуҥ, ытарҕаҥ, күлүүкэҥ — барыта куорат дьонун оҥоһуктара. М. Алексеев

чөмүччү

чөмүччү (Якутский → Якутский)

  1. чөмөччү диэн курдук. Чөмүччү хомуллубут утуйар таҥастар сыҥаһа орон муннугар анньыллыбыттар. А. Сыромятникова
    [Гуля] кырабаата хоп курдук, чөмүччү хомулларыгар баҕарара. Е. Ильина (тылб.)
    [Ийэ] пианиноҕа ыһылла сытар нуоталары бэрт үчүгэй гына чөмүччү, саас-сааһынан дьаарыстаабыта. М. Горькай (тылб.)
  2. Олоччу, сыыс түһэрбэккэ, энчирэппэккэ (тугу эмэ хомуй). ☉ Целиком, полностью (убрать, собрать что-л.)
    Кинилэр, таһаҕастарыттан тугу даҕаны көҕүрэппэккэ, чөмүччү тиэйэн, салааскаларын соһон иһэллэр. В. Протодьяконов
    Поэт айымньыларын барытын чөмүччү тутан чинчийии, ырытыы билиҥҥитэ суох. «Чолбон»
    Сайын ортотуттан ыла курааннаан бу быйаҥ чөмүччү хомуйулларыгар бэрт үчүгэй күн-дьыл этэ. «Кыым»