сыһ. Сиэрдээхтик, сөпкө, таба. ☉ Здраво, разумно, верно
Кини онтон-мантан кыыһырантымтан барбат, хата ол оннугар, итэҕэс-быһаҕас туохтан тахсарын төрүөтүн этээччи, ону хайдах туоратары өйдөнөрүн ыллыктаахтык ыйан кэрдэн биэрээччи. В. Протодьяконов
Аҕыс уонтан тахса ыал Артыалланар мунньаҕар Алгыс Маайа тыл ылан Ыпсарыылаах тылынан Ыллыктаахтык эппитин Ыал-ыал бары ылынан Ытыс тыаһа ньиргийтэ. ПИ КТ
Университет хайдах тэриниэн уонна салайыныан туһунан ыллыктаахтык, аһаҕастык уонна култуурунайдык кэпсэтии кэскилбитин түстэһиэн эрэ сөп. «Кыым»

даҕ. Сөптөөх, сиэрдээх; сиэри-майгыны тутуһар, уһун-киэҥ санаалаах. ☉ Правомерный, закономерный; приемлемый, разумный. Ыллыктаах ыйытыы
□ Биир эмэ ыллыктаах киһи баар дуо? Суох! Амма Аччыгыйа
[Уулаах] урут бандьыыттары син ыллыктаах дьон буолуохтара дии санаабыт итэҕэлин сүтэрдэ. Эрилик Эристиин
Дайыыл Дьөгүөрэбис киҥнээхкиҥнээх дииллэр да, ыллыктаах санаалаах үтүө киһи. Н. Босиков
Дүлүҥү туруору аспыт курдук буола сытыйаҥҥын, эйиэхэ итинтэн ордук киэҥ-куоҥ, ыллыктаах санаа кэлииһи дуо?! «ХС»
♦ Ыллыктаах тыл — дьоҥҥо-сэргэҕэ ылыннарыылаах, сөптөөх, сиэрдээх, үтүө тыл. ☉ Убедительное, разумное, умное слово
Биир эмэ ыллыктаах тылы тылласта дуо? Амма Аччыгыйа
Сатаатар ыллыктаах тылы эппит киһи бэрт да буолуо этэ. А. Бэрияк
Тэрэнтэй сымнаҕас, ыллыктаах тылынан кэпсэппититтэн кини үөрдэ, санаата көтөҕүлүннэ. Д. Таас

1) имеющий тропинку; с... тропинкой; проходимый; 2) перен. приемлемый; ыллыктаах этии приемлемое предложение; ыллыктаах тыл разумные слова.