сыһ. Сыллайан тахсар гына. ☉ Так, чтобы образовались толстые складки, вывернутые наружу
Дьиэтигэр киирбитэ аан хоско томторуктуу бааммыт халыҥ былааттаах, сыллаччы үктэммит эргэ уу саппыкылаах биир эмээхсин кырыытынан олорор эбит. В. Яковлев
[Чаабый Натааһа] үөһээ, аллараа сымыһахтара дабаххайдаах тиит дьабаатын курдук икки аҥыы сыллаччы тардан ылбыттар, икки таныыта күөрт курдук хапсыҥнас буолбуттар. Эрилик Эристиин
Тигэргэ туоһу итии ууга уган сымнатан баран тас диэки сыллаччы ытырыллар, ол эрэ кэнниттэн тигиллэр. АЕЕ ӨҮОБ

аат. Ыстаан сииргэ сөптөөх, тиискинэн биирдэ ойо ытырыллыбыт ас. ☉ Кусочек пищи (к-рый можно откусить за один раз)
Судаарыстыба киэниттэн биир да харчыны, ыстал да килиэби ордук ылымаҥ. Г. Нынныров
Тутан олорон, ол тооромос лэппиэскэбин эбэтэр били ыстал эппин бэйэбэр сиэтэн тэйэрэ. «Чолбон»
♦ Тыл ыстала оҥоһун — тугу эмэ сүөлүргээн, өргө диэри кэпсээн оҥоһун. ☉ Стать притчей во языцех
Эн миэхэ киирэ сылдьыбыккын киһи сүөргүлүөн курдук хойохтоон, эбэн-сабан тыл ыстала оҥостоллор. П. Аввакумов
Кэргэнэ кинини Ырыа Алааппыйа хоонньуттан туппутугар: «Киһи тус бэйэтин дьыалатыгар тоҕо орооһоҕунуй?» — диэбитин дьон өргө диэри тыл ыстала оҥостоллоро. «ХС»

аат. Тиискинэн биирдэ ытыран ылар ас, ытырыллыбыт куһуоччук. ☉ Кусочек пищи, который можно взять в рот, откусив однократно, откушенный кусочек
Чааскы чэйи испэккэ, ытырым да килиэби сиэбэккэ, саҥатыттан матан остуолугар олорбут. Э. Соколов
Сампара ытырым да эти айаҕар укпакка, хам аччык утуйар. П. Ламутскай (тылб.)
△ Кыра, дуона суох туох эмэ. ☉ Что-л. в незначительном количестве
Мантан ытырым да оту кыра дьоҥҥо бычыгыраппат. М. Доҕордуурап
Ол эттэн икки ый устата ытырым да саҕа мин айахпар киирбэтэҕэ. Д. Кустуров
◊ Ытырым сыа түөлбэ., харыс т. — кырбас сыа (эһэ киэнэ). ☉ Кусок сала (медвежьего). Ытырым сыа диэн А.Е. Кулаковскай кинигэтигэр киирэ сылдьар