Якутские буквы:

Якутский → Якутский

эдэрсий

туохт.
1. Эдэр курдук буол, эдэргэр түс. ☉ Стать моложе, помолодеть
Эрдээх сирэйэ саҥатык эдэрсийэн, эйэҕэстийэн, иһиттэн сырдаан кэлэргэ дылы гынна. Амма Аччыгыйа
Эмэн дьахтар эдэрсийбит, Эмээхсин эккирээбит, Сукуй тыа суугунаабыт, Сулбут үрэх тыаһаабыт. С. Данилов
Эмиэ чэбдигирэн, эрчимирэн, Сүрэхтиин, дууһалыын эдэрсийэн Сылаас түүнү бэйэбиттэн тэйитэбин, Сыпсырдык күнү эҕэрдэлии тиэтэйэбин! С. Гольдерова
2. (Туох эмэ састаабыгар) саастарынан эдэр дьон баһыйар үксэ буол. ☉ Стать более молодым, помолодеть (по составу членов, участников чего-л.)
Бу иннинээҕи кэмпириэнсийэлэри кытта тэҥнээтэххэ, састаап балачча эдэрсийбитин бэлиэтиир наада. «Кыым»

Еще переводы:

молодеть

молодеть (Русский → Якутский)

несов. эдэрсий, эдэргэр түс.

омолодиться

омолодиться (Русский → Якутский)

сов. эдэрсий, эдэригэр түс.

помолодеть

помолодеть (Русский → Якутский)

сое. эдэрсий, эдэргэр түс.

эдэрсит

эдэрсит (Якутский → Якутский)

эдэрсий диэнтэн дьаһ
туһ. Кыргыылаах көмүс ньаассын баттаҕа, …… уураһыахха айылаах обугуйкаан уостара кинини эдэрситэллэр. «ХС»
Артыыс талааныгар сүгүрүйээччилэри бигэ айылгытынан сүргэлэрин көтөҕөр: кырдьаҕаһы эдэрситэр, эдэри кынаттыыр. «Кыым»

эйэҕэстий

эйэҕэстий (Якутский → Якутский)

туохт. Аламаҕай, элэккэй көрүҥнэн. ☉ Становиться дружелюбным, приветливым, быть расположенным к кому-л.
Эрдээх сирэйэ саҥатык эдэрсийэн, эйэҕэстийэн, иһиттэн сырдаан кэлэргэ дылы гынна. Амма Аччыгыйа
Кырдьаҕас саха быһыытынан, ордук эйэҕэстийбит түгэннэригэр киһини оҕорҕоон-манньыйан, сыллаан ылар буолара. «ХС»
Александр дьүһүнэ эйэҕэстийэн туран, киниэхэ тугу эрэ этэр. Л. Толстой (тылб.)

эрдээх

эрдээх (Якутский → Якутский)

даҕ. Күүстээх санаалаах, хорсун-хоодуот. ☉ Мужественный, храбрый
Кини сааһыгар сымыйалаабатах эрдээх сирэйэ эдэрсийэн, эйэҕэстийэн, иһиттэн сырдаан кэлэргэ дылы гынна. Амма Аччыгыйа
Дьон куттас өттө туоруур, оттон эрдээх өттө эбии кимэн киирэр. Эрилик Эристиин
Киһи эдэр сааһыгар эрдээх быһаарыныылары ылынар дьоҕурдаах. «Кыым»
◊ Эрдээх санаа — эр санаа диэн курдук (көр санаа II)
Бу бирикээскэ суруллубут тыллар …… барыларын эрдээх санаатын өрө көтөҕөллөр. Суорун Омоллоон
Эрдээх санаа, Хорсун баҕа Кинилэри кууспута. П. Тобуруокап