Якутские буквы:

Якутский → Якутский

үллэччи

сыһ. Үллэн, лөглөйөн тахсар курдук. ☉ Так, чтобы выглядело вздутым, надутым, выступало бугром
Байбаллаах Сөдүөт күрүөнү көтүрэн сыарҕаҕа үллэччи тиэйэн баран, өтүүлээн эрэллэр эбит. Амма Аччыгыйа
Биһиги, кыһын буолан үллэччи таҥныбыт дьон, кэбиинэ иһигэр симсэ-симсэ киирэн олордубут. Н. Заболоцкай
Миичэкэ тыраахтарынан таһаҕас бөҕөнү сыарҕатыгар үллэччи тиэйэн, тыаһаанууһаан тигинэтэн Туруйалаах саҥа дэриэбинэтигэр кэлбитэ. В. Протодьяконов
Балаакка иһигэр хагдарыйбыт лабааны, оту үллэччи тэлгээн, утуйар сирдэрин оҥоһуннулар. «ХС»
♦ Үллэччи кыыһыр — үллэ кыыһыр диэн курдук (көр кыыһыр)
Үллэччи кыыһырбыта үрүллүбүт хабаҕы тэспиттии мэлис гынан хаалла. М. Доҕордуурап

Еще переводы:

болчоччу

болчоччу (Якутский → Якутский)

сыһ. Бөлтөччү, үллэччи. ☉ Выпукло, надуто. Болчоччу иһэн таҕыста

болточчу

болточчу (Якутский → Якутский)

сыһ. Үллэччи, бөлтөччү. ☉ Надуто, вздуто. Оҕо болточчу уоба олорор
□ Ити саппыйаҕа болточчу табахта сим. ПЭК СЯЯ
Мин сутурукпун болточчу тутуннум. И. Гоголев
Хамсатын болточчу уоппут. Болот Боотур

боллоччу

боллоччу (Якутский → Якутский)

сыһ. Үллэччи, болточчу. ☉ Выделяясь толстым, вздутым видом. Уоскун боллоччу тутун
□ Кини толору уоһун боллоччу туттан олорор. Амма Аччыгыйа
Ньыкыы уоһун боллоччу туттан, сүүһүн аннынан көрөн олордо. Болот Боотур
Оҕом халыҥ баҕайы арыылаах лэппиэскэни боллоччу уобан олорор эбит. Софр. Данилов

боспоччу

боспоччу (Якутский → Якутский)

сыһ., кэпс. Боспойон көстөр гына, үллэччи, халыҥнык (хол., оҕоҕо туох эмэ халыҥы, көп түүлээҕи кэтэрдэн). ☉ Так, чтобы выглядеть толсто укутанным при своем малом росте (напр., о ребенке)
Лэри-лэкэгэр төбөтүн киччэччи кырыйбыттар, уол оҕолуу боспоччу таҥыннарбыттар. Амма Аччыгыйа

дыгдаччы

дыгдаччы (Якутский → Якутский)

сыһ. Иһиттэн тыыллан, иһэн, үллэн тахсар гына; үллэччи. ☉ Так, чтобы распухло, вздулось; распирая (изнутри)
Дыгдаччы иһэн хаалбыт. Алта хос дьапталҕа сарыы сонун дыгдаччы кэтэн кэбистэ. Саха фольк. Этигэр хаан туран улам дыгдаччы иһэн тахсар. Амма Аччыгыйа

кэйбэччи

кэйбэччи (Якутский → Якутский)

сыһ. Кэтирээн, үллэн көстөр гына, үллэччи. ☉ Как бы расплывшись книзу
Ол [муоста] үрүт өттүгэр кэрэ сылгы кэйбэччи сыппытын курдук килиэ-халаа кэтэҕириин оронун кэйбэччи тутан кэбиспит. ПЭК ОНЛЯ I
Кини эмээхсинэ турар: Киргиллээх киис сону Кэйбэччи кэтэн кээспит. В. Чиряев

өргөччү

өргөччү (Якутский → Якутский)

сыһ. Киэҥник, диэличчи, суоһурҕаммыттыы (көр, хол., куттанан, кыыһыран). ☉ Вытаращив, выпучив глаза (смотреть — напр., от испуга)
«Кэм буолуо. Туора киһи туһугар тоҕо кыһаллыаххыный?» — оҕонньор кыыһыран өргөччү көрдө. Болот Боотур
Егор сирэйэ үллэччи кытаран, икки хараҕын өргөччү көрбүтүнэн Тамаратыгар чугаһаата. Д. Очинскай

байбаччы

байбаччы (Якутский → Якутский)

сыһ. Кэтирээн, үллэн көстөр гына, үллэччи (тугу эрэ туруор, олорт). ☉ Так, чтобы было раскидисто, широко (напр., посадить что-л.)
[Олоҥхо бухатыыра] баай тиит бастыҥ үөрэҕэһин быһыта сынньан ылан байбаччы олордон кэбиспит курдук барылы быччыҥнаах. Саха фольк. [Кыладыкы] Сырдык аҕай киинигэр, Сылам далбар быарыгар Балтархай сэргэбитин Байбаччы олордон биэрбит Баалтааны уустара Баар сурахтаахтара. П. Ойуунускай

догдоччу

догдоччу (Якутский → Якутский)

сыһ. Үөһээ өттүҥ ордук үллэн көстөр гына, үллэччи (таҥын, таҥаһы кэт). ☉ Кургузо, куцевато (сидеть на ком-л. - об одежде)
Айан киһитэ …… кылгас суппуун сон дуомун догдоччу кэппит. И. Гоголев
Тордох сону Догдоччу кэтэн, Сарыы этэрбэһи Саллаччы анньынан Хара тыатыгар хаамта. А. Софронов
[Оҕолор] бука бары догдоччу таҥнан бараннар, олбуордарын иһигэр күүлэйдии, оонньуу таҕыстылар. Кэпсээннэр

силлигирэт

силлигирэт (Якутский → Якутский)

тыаһы үт. туохт. Биир тэҥ түргэнник, бүтэҥитик иһиллэр тоҥсуйан эрэр курдук быһыттаҕас тыаһы таһаар. ☉ Издавать равномерно-быстрый, глуховатый шум повторяющихся ударов
«Урал» [матасыыкыл] үһүөммүтүн, үллэччи тиэммит таһаҕастары букатын тулуппат, силлигирэтэн иһэр. Далан
Арыт өстөөх сөмөлүөттэрэ үлтү буомбалаан, бүлүмүөтүнэн ытыалаан силлигирэтэн бараллара. И. Федосеев
Балаҕан аттыгар баар кыракый оскуолаҕа бүлүмүөппүтүн олордон баран, уот аһан силлигирэппиппит. ГСС