Якутские буквы:

Якутский → Якутский

үрүттээ

туохт. Тугу эмэ (хол., дьиэ үрдүн) сап (мастары, хаптаһыннары тэлгэтэн). ☉ Крыть, накрывать потолок
Толоонун хаба ортотугар, суол кытыытыгар, сүрдээх силистээх улахан баараҕай тиит баар эбит. Ол тиит төрдүгэр Кээрэкээн, умуһах хаһан баран, ытыыстаабыт, үрүттээбит. Саха ост. I
Килиин сүгэбинэн кэрдэн кибиргэтэн, Соҕох сүгэбинэн суоран молуойдатан, Хоспох сыыһын ходьоҕоччуттаҕым. Үүчээн сыыһын үрүттээтэҕим. С. Васильев

Еще переводы:

дьапталҕалаах

дьапталҕалаах (Якутский → Якутский)

даҕ. Тус-туспа араҥалартан, дьапталҕаттан турар. ☉ Состоящий из слоев, слоистый
Алта араҥа дьапталҕалаах, Анньыалаатахха айгыраабат Анал үрүттээн кэбиспиттэр. П. Ядрихинскай
Урал хайаларын таһыгар элбэх дьапталҕалаах гаас конденсата үөскээн сытар. «Кыым»
Көрүҥ эрэ, биэрэк элбэх дьапталҕалаах. В. Санги (тылб.)

ойоҕостоо

ойоҕостоо (Якутский → Якутский)

туохт. Эркиннээ, эркиннэ оҥор, туруор. ☉ Сооружать, ставить боковую поверхность, боковую стену
Онтон-мантан мас булан, Олбусолбу уурталаан — Ойоҕостоон, үрүттээн Отуу сыыһын туттулар. Күннүк Уурастыырап
Кинилэр сиргэ баҕана туруоран, сиэрдийэнэн ойоҕостоон, кыыл тириитинэн бүрүйэн дьиэ оҥостоллоро. БИГ ӨҮөС

үргүөһүн

үргүөһүн (Якутский → Якутский)

үргүөр диэн курдук
[Дьиэлэрин] үргүөһүн бөҕө үргүйүө диэннэр үс хос үтүө тииттэринэн үрүттээбиттэр эбит. П. Ойуунускай
[Дьиэлэрэ] үргүөһүн бөҕө үргүйдэҕинэ, сүрүн дьарҕа ыарыы буолуом диэн үс хос үрүҥ көмүс үрүттээх эбит. Күннүк Уурастыырап

үрүттэн

үрүттэн (Якутский → Якутский)

туохт.
1.
үрүттээ диэнтэн атын. туһ. Иирэ талаҕынан үрүттэммит дириҥ холлороон кылаппачыгас бүүрүктээх аанынан иһирдьэ көтөн түстэ. Амма Аччыгыйа
Тороев испиискэни умаппытыгар хатырыктаах үөл маһынан үрүттэммит, муостата суох киэҥ-куоҥ үүтээн иһэ элэҥнээн көһүннэ. Л. Попов
Ампаар синньигэс мастарынан үрүттэммит уонна тэһитэ быһыы ойуулаах туостарынан сабыллыбыт, олор үрдүлэринэн чараас гына буор ыһыллыбыт. БИГ ӨҮөС
2. Үрүт тур, үөһэ өттүгэр сүөгэй араҥалан (үүт туһунан этэргэ). ☉ Иметь верхний слой из сливок (о молоке)
«Үрүттэммит үтүө чабычах буолла, сүөгэйдэммит сөптөөх чабычах буолла», — диэн сөбүлэһии буолла. Саха фольк. Эн Нааста үүтүттэн нэрээттэтэн ылбытыҥ үрүттэммэтэх үһү дии. Ити хайдаҕый? С. Федотов

сливки

сливки (Русский → Якутский)

только мн. 1. сүөгэй, холбуйуу сүөгэй; 2. перен. чулуулар; сливки общества общество чулуулара; # снимать сливки үрүттээн сырыт, үчүгэйин талан ыл, олоххо наар үчүгэйин тала сырыт.