дымовая труба; дымовое отверстие; оһох үөлэһэ печная труба.

аат.
1. Саха көмүлүөк оһоҕун буруо, төлөн тахсар турбата. ☉ Дымовая труба камелька — якутской печи
Балаҕаннарын оһоҕун үөлэһэ чоҥкуйа кырыаран хаалла. А. Софронов
Буор сыбахтаах саха балаҕанын үөлэһэ түүтэх кыымынан өрүкүйэ турар. Амма Аччыгыйа
Үөлэстэн кыһыл уот кыымнара Кытыастан, оргуйан тахсаллар. Күннүк Уурастыырап
△ Ханнык эмэ оттуллар оһох турбата. ☉ Дымовая, затяжная труба какой-л. печи
Аллараа күөл кытыытыгар сүүрбэ биэс ат күүһэ күүстээх локомобиль үлэлиир паровигын үөлэһэ хоройон көстөр. Н. Заболоцкай
Өндөл маҥан халлаан Өрөһөтүгэр өрө ууммут Үрдүк үөлэстэр үөгүлээн дуораһыттылар. С. Васильев
♦ Үөлэстэрин өҥөйдө көр өҥөй
Үрдүк ааппытын ааттаан Үөлэспитин өҥөйөр күнэ Үтүрүйэн кэлиэҕэ. П. Ойуунускай
Үөлэһин үүтүн өҥөйөр күнүм, Тоҥ суолун тордуур күнүм, Ир суолун ирдиир кэмим Түөн түөспэр Күөйдэҕэ буолуо. П. Ойуунускай

аат., кэпс. Дьиэҕэ сырдык киириэх аһаҕастара бары (түннүктэрэ, аана). ☉ Все проёмы в доме (окна, двери)
Ойууннар кыырар аан хосторун түннүгүн-үөлэһин саптардылар, оһох уотун бүрүйтэрдилэр. Н. Якутскай
Нэһилиэк сугулаанын таһыгар түннүгэ-үөлэһэ суох, аһаҕас турар ампаар дьиэ баара. А. Бэрияк
Дьахтар Сүөдэри чуулаан курдук, түннүгэүөлэһэ суох кыракый хоско киллэрэр. «ХС»