туохт.
1. Туохтан эрэ долгуйан сүпсүгүр, ыгылый, уолуһуй, ороһуй. ☉ Быть в беспокойстве, смятении, расстраиваться, тревожиться
[Ааныс:] Ийээ, эн олус айманыма эрэ! Киһи сүрэҕэ-быара ордук хамныыр. Сэмэнчик баарына ити курдук айманнаххына, хайа, ол киһибит ордук айманыаҕа. П. Ойуунускай
Киэһээ ынах буолла. Чүөчээски син биир киирбэтэ. Дьоно айманнылар. Суорун Омоллоон
Лоокуут айманар, санааргыыр буолбутун дьонуттан кистии сатыыра. Дьүөгэ Ааныстыырап
△ Долгуй, уолуһуй, ыксаа (санаа-оноо, дууһа туһунан). ☉ Быть в душевном смятении, беспокойстве, волнении
Ньургустаана Сандаараба санаата олус аймаммыта. В. Протодьяконов
Ардыгар санааргыам, санньыйыам — Аймаммыт дууһабын үөрдүөҥ дуо? Л. Попов
Дабыыт сууттанан барыаҕыттан Даарыйа утуйар уута айманна. У. Нуолур
△ Долгуй, сатарый (социальнай көстүүлэр, олох туһунан). ☉ Быть в тревоге, быть расстроенным, волноваться (о жизни, социальных явлениях)
Бахсы тойоно кинээс буолан олордоҕуна, бу дойдуга сут-кураан дьыл буолан, от үүммэккэ бар дьон бэркэ аймаммыт. Саха фольк. Эйэлээх олохпут айманан, Эмискэ алдьархай буолбута: Сидьиҥ фашистар соһумар Сэриинэн саба түспүттэрэ. Күннүк Уурастыырап
2. Эмискэ туохтан эрэ соһуйан, долгуйан улаханнык саҥа таһаар, айдаара түс. ☉ Неожиданно, взволнованно заговорить; громко, тревожно заголосить, загомонить, завопить
«Абыраа, өрүһүй!»— диэн түҥнэстибит тыытын сыыһа-халты харбыы сылдьар дьахтар Наахараны көрөөт айманна. Т. Сметанин
Ынах сүөһү ыксаан, Айманан маҥырыыра, Сылгы сүөһү хоргуйан, Сыһыы аайы охторо. Н. Степанов
Халлааҥҥа туруйа хаһыытыыр, Үөр хаастар айманан ааһаллар. Дьуон Дьаҥылы
3. көсп., поэт. Тыаһаан-ууһаан, эбэтэр тыыннаах курдук долгуйан көһүн (айылҕа көстүүлэрин туһунан). ☉ Издавать тревожные звуки; тревожно носиться (о природных явлениях)
Хара былыттар айманан тахсаннар киэҥ халлаан киэбин устун дьаарбайан бардылар. Эрилик Эристиин
Ах баран иһиллии турабын Айманар долгун куугунун. С. Данилов
Таас хайа тоҥ чэҥэ сүүрүккэ суулунна, Үргүбүт сылгылыы айманан уһунна. С. Васильев
△ Дьалкылын, булкулун (хол., убаҕас ас туһунан). ☉ Переливаться, расплескиваться (о жидкостях)
Ас амтанын тупсаралларынан, үүт үрдүн туталларынан, үрүҥ ас айманан буорту буолбатынан, дьүдьэйбэтинэн, хата итилэр [былыргы кымыс иһиттэрэ] улахан туһалаах иһиттэр буолуохтаах этилэр. Күннүк Уурастыырап

туохт.
1. Улаханнык долгуйан сүпсүгүр, уолуһуй, ыксаа. ☉ Быть в большом смятении, тревоге, расстройстве
Кэнники диэкинэн дьиэ кэргэнин аймаммыт-саймаммыт олоҕо улам орун-оннугар түһэн испитэ. М. Доҕордуурап
Ытаан-соҥоон, айманан-сайманан, дьон модун сүүрүк курдук, таһырдьа тоҕо анньан таҕыстылар. Э. Войнич (тылб.)
2. Айдаар, күүгүнээ. ☉ Шуметь, поднимать шум
Чуораан чылыгырыы түстэ. Оҕолор айманан-сайманан сырсан киирдилэр, анал миэстэлэригэр олортоон кэбистилэр. Ф. Софронов
3. көсп. Дьалкылын, булкулун, кутулун (хол., өрүс, халаан уутун туһунан). ☉ Переливаться, бурлить, расплескиваться (напр., о половодье)
Аҥхараат-хаҥхараат сирдэрбэр, Айманан-сайманан тураахтаан, Дьигискэн силистэн түлүннэ [халаан уута]. П. Ойуунускай

1) страд. от аймаа =; 2) гл. тревожиться, приходиться в беспокойство, растраиваться, смешиваться, приходить в сметение; 3) расхищаться, разоряться; 4) вопить, громко кричать; чаҥкынас саҥа аймана түстэ вдруг кто-то истошно завопил.