Якутские буквы:

Якутский → Якутский

амарахсый

туохт. Үтүө аһыныгас санаалан, сымнаан, эйэргээн, эйэҕэстийэн кэл (бастаан тоҥуй эбэтэр кыыһырбыт буолан баран). ☉ Быть, стать сердобольным, сострадательным, отзывчивым (обычно будучи вначале недружелюбным или раздражительным)
Айыытааҕар да ордук Абааһы да амарахсыйар Айталыын Куо кыыста Айан биэриэҕиҥ. Өксөкүлээх Өлөксөй
Сотору Ааныка эмээхсин, кыыһырбыта ааһан, эмиэ амарахсыйан, намылыйан тахсан кэлэн: «Тоойуом, киирэн аһаа, күөс сойоору гынна», — диэтэ. Болот Боотур
Амырыыннаах Аар тайҕам барахсан Аныардаах андаҕарын аралдьытан, Айыы дьонугар дьэ амарахсыйдаҕа, Аһыллыбатах кылаатын дьэ астаҕа. С. Зверев

Еще переводы:

добреть

добреть (Русский → Якутский)

несов. (становиться добрее) үтүө санаалан, амарахсый, сымнаа.

амарахсыт

амарахсыт (Якутский → Якутский)

амарахсый диэнтэн дьаһ
туһ. Күөх далай иччитэ Күөх Боллох тойону Айахта тутан амарахсытар Ааттаах астара Аҥаардас кини [арыгы] буолла. Өксөкүлээх Өлөксөй

амырахсый

амырахсый (Якутский → Якутский)

көр амарахсый
Ол кэмнээҕи аһынар, амырахсыйар, таптыыр иэйиитинэн билигин эмиэ кини өрүкүйэ түстэ, билигин эмиэ ол тылларын этиэн олус баҕарда. Л. Толстой (тылб.)
Ол [хас да ынах өлүүтэ] абааһы өссө да амырахсыйа илигин, онон алдьархайы оҥоро турарын бэлиэтэ буолара. Б. Лунин (тылб.)

дэлэмсий

дэлэмсий (Якутский → Якутский)

туохт., сөбүлээб. Наадата суохха байымсый, дьэллэм буол. ☉ Быть щедрым, уступчивым, когда этого не требуется. «Аттаргытын сынньата таарыйа сарсын манна кэлэн хонон, өрөөн барыҥ», - диэн дьиэлээх Дьэкиим үөрэ-көтө дэлэмсийэр. Саха сэһ
1977
Ол дэлэмсийэ сырыттахтарына биирдэ өйдөөбүппүт, чэйбит бүтэн хаалбыт этэ. «Чолбон»
Бэйэтин хайҕатарын Куриль олус сөбүлүүрэ: биллэн турар, төһө даҕаны наһаа дэлэмсийбэтэр, онтон ордук амарахсыйара. С. Курилов (тылб.)

алы

алы (Якутский → Якутский)

алы буол — кыыһырыыны, кыһыйыыны, куһаҕан санааны аһаран сымнаан, амарахсыйан кэл (хол., көрдөһүүнү ылынан, алы гыныыттан). ☉ Сменить гнев на милость (вняв просьбе от деликатности, любезности)
Ааны сабан тахсаат, Атаһыгар сипсийдэ: Абааһыны алҕаатахха Алы буолар диэн баар. А. Бэрияк. Алы гын — албыннаһан, сымнаан эйэҕэһимсийэн ким эмэ санаатын түөкэйдээ, санаатын көнньүөрт (хол., санаата алдьаммыт, кыыһырбыт киһини эбэтэр холустук өһүргэтэрдии быһыыламмыты көннөрөөрү). ☉ Смягчить, сглаживать (напр., свою резкость); деликатничать, уступать (чтобы не обидеть); говорить любезности, успокаивая (чтобы поднять дух, настроение кого-л.)
«Оонньоон этэбин», — диэн Охоноос алы гынан кэбистэ [өһүргэнэ сыспыт Сөдүөччүйэни]. Амма Аччыгыйа
Медницкэй туох эмэ үтүөнү оҥорон, Захаренконы алы гынан, санаатын көннөрүөн баҕарбыта, оннук түбэлтэ көстөн биэрбэтэҕэ. Н. Якутскай
Солуута суох өһүргэппиппин дьэ өйдөөн, хайдах эрэ алы гынан, уоскутуохпун баҕардым. «ХС»