аат.
1. Үүнээйи саҥа тахсан эрэр үнүгэһэ. ☉ Росток, ростки (растения)
Ымынах ыарыылаах хортуоппуй харайыыга сытыйымтыа буолар, ордук араскыы биэрэр харахтара буортуйаллар. ФНС ОС
Булуук сир кырсын тиэрэн үллүктүүр. Манна бэрт сотору намчы баҕайы бастакы араскыылар бытыгыраан тахсыахтара. П. Аввакумов
Олорго [бааһыналарга] сэлиэһинэй күөх араскыылара муора баалынан долгулдьуйа хамсыыллара. И. Федосеев
2. көсп. Туох эрэ саҥа сайдан эрэр бэлиэтэ. ☉ Признак начинающегося развития чего-л.
Оҕо саас баракаастара... Баҕар, олортон саҕаланаллара буолуо киһи буолар араскыыта, киһи кэнчээрилээн тахсыыта. ИКДь
Саҥа араскыы тардан эрэр көҥүл тустууну Олимп хайатын чыпчаалыгар тиэрдиэх диэтэххэ — уһун, уустук да курдуга. НЕ ТАО
1924 сыллаахха Алдаҥҥа — Саха сирин хайатын промышленноһын бастакы араскыытыгар — кыһыл көмүһү илиинэн хостууллара. «Кыым»
◊ Араскыы тартар — үүнээйи саҥа үнүгэһэ тахсарын ситис. ☉ Проращивать, добиться появления ростка какого-л. растения
Оҕурсуну аны арассааданан үүннэрэн бадьыыстаспаттар. Ол оннугар сиэмэни икки күн устата араскыы тартараллар. ФНС ХО
Сөбүгэр соҕус бөдөҥ хортуоппуйу араскыы тартараҕын, араскыы уһууруттан дьиксиниэххэ сатаммат. «Кыым»