Якутские буквы:

Якутский → Якутский

аһыҥастаах

  1. даҕ. Адьырҕа, сиэмэх. ☉ Хищный
    «Уу-ыы!» — Павло абатыгар кыбдьыгыраата. Онтуката аһыҥастаах кыыл ырдьыгыныырыгар маарыннаабыта. Софр. Данилов
    Биһиги Учуйдуун сур бөрө, онтон да атын аһыҥастаах кыыллар тутан сиэбэтэхтэрин, сөҕө, олус минньигэс көтөр миинин тото-хана истибит. Н. Босиков
    Арай биир быыһанар суол баар. Ол аһыҥастаах кыыл оҕолоро борбуйдарын уйа иликтэринэ, төрөөбүт хорооннорун булан, эрдэ-сылла дьаһайыы. В. Миронов
  2. аат суолт., түөлбэ. Оҕолоох эһэ. ☉ Медведица с детенышем
    Хара тыа аһыҥастааҕа атыыр сирэйин тириитин хайа тарпыт. Болот Боотур
    «Уйбаан, көр эрэ, аһыҥастаах суолбутун күөйэн эрэр», — диэт, киһим саатын эһэ охсон ылла. И. Егоров

Еще переводы:

алдьатыылаах

алдьатыылаах (Якутский → Якутский)

даҕ. Улахан буортулаах, ороскуоттаах; дьалхааннаах, аймааһыннаах. ☉ Разрушительный, вредоносный; тревожный
Буортулаах да буолларбын Туһанарга холоннулар. Алдьатыылаах да буолларбын Абыранарга ааҕыннылар. С. Зверев
Хоптолор эмиэ — тайҕа суордарын курдук улахан алдьатыылаах көтөрдөр. И. Федосеев
△ Эстиилээх-быстыылаах, өлүүлээх-сүтүүлээх. ☉ Гибельный, губительный, смертоносный
Аан дойду адьырҕалара Алдьатыылаах Аһыҥастаах буолуохтара. С. Васильев
Араас омук алаһатын ыспыт Алдьатыылаах фашист сэриилэрэ Алгыстаах арҕаа быыспытын аан курдук алдьатан киирдилэр. Эллэй
Ону [кэрэ олоҕу] Аан дойду Алдьатыылаах сэриитэ Аҕырыс гыннарбыта. С. Васильев

кыбдьыгыраа

кыбдьыгыраа (Якутский → Якутский)

туохт. Кыыһыран-абаран айаххын киэҥник аппакка, тииһиҥ быыһынан саҥар, саҥата таһаар. ☉ Цедить (звуки) сквозь зубы от злости, издавать сдавленный звук сквозь стиснутые зубы
«Уу-ыы!» — Павло абатыгар кыбдьыгыраабыта. Онтуката аһыҥастаах кыыл ырдьыгыныырыгар маарыннаабыта. Софр. Данилов
«Дьэ, оттон абаккам, хайаан да син биир баскын хатаран тэйиэм!» — дии-дии кыйытта-кыйытта кыбдьыгырыыр саҥата уолга быһыта-урута иһиллимэхтээтэ. Уустаах Избеков
Кинээс кыайан туттуммата, кыбдьыгырыы түһэн баран, Александры сирэйгэ биэрдэ. М. Доҕордуурап