Якутские буквы:

Якутский → Якутский

баайсыылаах

даҕ. Олоҕо суоҕунан була сатаан буруйдааһыннаах. ☉ Имеющий необоснованные, придирчивые обвинения
Ити киэһэни быһа мин дойдубар, Маайыспар, бэрт уһун уонна хатыылаах, мөҥүттүүлээх, баайсыылаах суругу суруйбутум. Н. Кондаков
Балыыҥка маргыар, Баайсыылаах мөккүөр Балаҕаммыт түгэҕинэн Тиргиллибэтин, Кырыыстаах кыскыар Үөлэспитин үргүйбэтин. И. Гоголев

Еще переводы:

көхөлөөх

көхөлөөх (Якутский → Якутский)

даҕ., көсп. Олуурдаах, эриирдээх, баайсыылаах (кэпсэтии, ыйытыы). ☉ Сложный, непростой, каверзный, заковыристый (разговор, вопрос)
[Вася — Айдаарга:] Дьэ, мин биир көхөлөөх ыйытыылаахпын, өһүргэнимэ дуу? Н. Лугинов
Яков урут, үрүк-түрүк сылдьар эрдэҕинэ, ити «хайдах» диэн тыл итиччэ көхөлөөх, моһуоктаах буолуо диэн, кырдьыга, сэрэйэ да санаабат этэ. Н. Заболоцкай

балыыҥка

балыыҥка (Якутский → Якутский)

  1. аат., кэпс.
  2. Эрэлэ суох, саарбах дьыала. ☉ Нестоящее, сомнительное дело
    Онтон харчылаахха хамнаска бардым, Үптээххэ үлэһит буоллум, Балыыҥканы эрэ батыстым, Ночооттоох аххан суолу тобуллум. Саха нар. ыр. II
    Көр эрэ, нохоо, соҕотоҕун сылдьар диэн олох балыыҥка буолар эбит. Саһарҕа
    Массыына көлө Бадараан суолга Батыллан хаалбыт, Балыыҥка буолбут. П. Тулааһынап
  3. Тылынан халаарыы, кыһыл тылынан ыаһахтаныы. ☉ Краснобайство
    Эй, чэ, үлэлээн иһиҥ. Ити үөннээх Киэсэ балыыҥкатын баран иһиллээн туруоххут дуо. Р. Кулаковскай
    Балыыҥкатынан, айдаанынан, Барбах малынан албынныырынан Бастыҥ киһи этэ кини [Клим]. Н. Некрасов (тылб.)
  4. даҕ. суолт. Эрэлэ суох, көлдьүн, сэлээр. ☉ Ненадежный, непутевый, несерьезный
    Балыыҥка маргыар, Баайсыылаах мөккүөр Балаҕаммыт түгэҕинэн Тиргиллибэтин. И. Гоголев
    Кини [Чысхаан] таах күүлэйдиир, арыгылыыры кытта арыгылаан, хаартыһыты кытта хаартылаан, балыыҥка киһи ааттаммыта. В. Чиряев
    Биэчэргэ, бырааһынньыкка Муостаҕа битийэрдии, Атаҕар араас балыыҥка Тылы тамнаан эрэр дии. А. Твардовскай (тылб.)