1. младший (по возрасту); меньший; 2. младшая сестра.

родные сестры (чаще о двух сестрах); биһиги сэттэ аҕас-балыс этибит нас было семь сестёр; күлэр ытыыр икки аҕас-балыстар погов. смех и плач— родные сестры.

совм.-взаимн. от балый= клеветать, возводить напраслину друг на друга, оговаривать друг друга.

n. sister (younger); балтым n. my younger sister

аат.
1. Бииргэ төрөөбүттэртэн сааһынан эдэр кыыс (дьахтар). ☉ Младшая сестра
Кэриэспин этэбин эйиэхэ: балтыбын, Айталы Куону, хараххынан кынчарыйар буолаайаҕын, тылгынан мөҕөр буолаайаҕын. Ньургун Боотур
Эбэтэ уонна балыстара көрөн-харайан, Сережа аһынан-таҥаһынан атын оҕолортон итэҕэһэ суох улааппыта. Н. Лугинов
Балта суох киһиэхэ эн балыс буолуо этиҥ, оттон убайа суох киһиэхэ мин убай буолуо этим. Т. Сметанин
ср. тюрк. балдыз ‘свояченица, золовка’
2. Атыттартан сааһынан эдэр киһи. ☉ Человек, который моложе кого-л., младший по возрасту
Биир кырдалга үөлээннэһэн үөскээбит түөрт дьонтон саамай балыстара уонна уһун үйэлэммиттэрэ Е.Д. Кулаковскай-Уот Хойостоон. Амма Аччыгыйа
Устинтан балыс өссө үс оҕо баар. Н. Габышев
Быыкаа кыыс Маайыс барыларыттан балыс. Хаһан даҕаны атаахтаабат, хаппырыыстаан ытаабат. П. Дмитриев
3. көсп., кэпс. Туох эмэ арыый кырата, аччыгыйа (кэриҥинэн, суолтатынан). ☉ То, что чуть меньше (по величине, значимости)
Араас бөдөҥ техниканы уу устун чэпчэкитик аҕалары кини [Улахан Хаана өрүс боруога] боһойдуур. Ол да буоллар хорсун сэбиэскэй дьон кини кыра балтын, кыра Хаананы, кыайан тураллар. Суорун Омоллоон
◊ Күрүө (күрэ, кыра) балыс – 1)эр киһи кэргэнин балта. ☉ Младшие сестры жены (по отношению к мужу)
«Чэ кэпсээҥҥин кэпсээ», – диэтэ күтүөт күрэ балтыгар. Саха ост. I; 2) эр киһи кэргэнин тастыҥ балта. ☉ Младшие двоюродные сестры жены (по отношению к мужу)
Өлөр өстөөҕүн Сургунуох Ньукулай күрэ балта Үчүгэй Өкүлүүн диэн кыыс дьахтары кэпсэппитэ. Күннүк Уурастыырап. Сиэн балыс эргэр. – аҕа быраатын сиэнэ кыыс. ☉ Внучка младшего брата отца. Эр киһиэхэ, дьахтарга даҕаны икки өттүттэн уруулара – бары сиэннэр: сиэн бырааттар, сиэн балтылар. «Саха с.». Таай балыс эргэр. – ийэ тас балтын кыргыттара. ☉ Дочери двоюродной или троюродной сестры матери.

аат. Эдьиийдии балыстыылар (үксүгэр бииргэ төрөөбүттэр). ☉ Сестры (обычно о двух родных сестрах)
Аҕас-балыс кыргыттар Атын-атын сиргэ Кэргэҥҥэ барбыттар, Кинилэр онно кийииттэр. К. Туйаарыскай
Аҕас-балыс, хобулуктарын тыаһа утуу-субуу тоһурҕаһан үөһэ мэндиэмэҥҥэ, 56 хоско киирдилэр. М. Доҕордуурап
△ Ытык балыстыылар (биир уус көстүүлэри, хол., айылҕа көстүүлэрин, тыыннаах курдук ытыктаан, улуутутан этэргэ). ☉ Почтенные сестры (о нек-рых явлениях, напр., явлениях природы, в знак уважения, почтения)
Улуу муора уонна киэҥ тайҕа айылҕа ийэҕэ аҕас-балыс курдук ананан айыллыбыттар эбит. Амма Аччыгыйа
Бу сэттэ аҕас-балыс үрүйэлэр түҥкэтэх хара тыаны бүрүнэн киирэннэр сэттиэн утуу-субуу Аллаҥҥа кутуллаллар. Н. Заболоцкай