туохт. Өҕүллэөҕүллэ көн. ☉ Упруго выгибаться, изгибаться, пружинить
Үрэх тумулугар соҕотох буруо тыалга бүк охсуллан араастаан өҕүллэҥнии көһүннэ. Эрилик Эристиин
Дьиэлэрин эркиннэрэ Дьигиһийбэхтээн ылла, Баҕаналара бачыгыраамахтаата. Өһүөлэрэ өҕүллэҥнээтэ Муосталара хотолдьуйда. П. Ядрихинскай
Оронун сиһэ ыарырҕаппыттыы өҕүллэҥнээн, кыычыгыраан ылла. М. Доҕордуурап

сандаар I диэнтэн төхт
көрүҥ. Сарбынньахтаах төбөлөөх, Дьарҕаалардаах сыҥаһалаах, Сарыал маҥан орон Сандаарталаан көһүннэ. Д. Говоров
Өһөх хара былыт хоонньугар эрийэ-буруйа охсон чаҕылҕан сандаарталаан баран, сүллэр этиҥ бачыгыраамахтаата. Д. Таас

дьигиһий диэнтэн тиэт
көрүҥ. Тымныы уулаах үрэҕи харбаан туораабыт сылгылыы дьигиһийбэхтээтэ, өрүтэ уһуурбахтаата, баһын быһа илгиһиннэ. И. Гоголев
Дуугун оҕонньор ити тыллартан уҥуоҕа титирэстээн, дьигиһийбэхтии олордо. М. Доҕордуурап
Онуоха [Тойон Дьөллүүт бухатыыр дьиэтин иһигэр лиһигир гына түспүтүгэр] дьиэлэрин эркиннэрэ, Имэ-хомо суох эттэххэ, Дьигиһийбэхтээн ылла, Баҕаналара бачыгыраамахтаата. П. Ядрихинскай

I
сүл I диэнтэн дьаһ
туһ. [Сылгы тириитин] Сөдүөрэни булан сүллэрдилэр, Өрүүнэҕэ үрдэрдилэр. Саха нар. ыр. II
[Баай киһи] тыыннаахтыы сүөһүнү тириитин да сүллэрэрэ дииллэр, хараҕын да оҥтороро дииллэр. Саха фольк. «Өллөхпүнэ чанчыгым аһыттан сиэтэн сырдык ырайга таһаарыахтара. Ону эһиги, акаарылар, билбэккэҕит баттаххытын олоччу сүллэрэн кэбиһэҕит», — диэн [оҕонньор] дьону сэмэлиир үгэстээҕэ. М. Доҕордуурап
II
даҕ., түөлбэ. Киэҥник биллэр, аатырбыт. ☉ Пользующийся известностью, знаменитый. Сүллэр хаартыһыт
□ Былыр Сунтаар улууһугар, Кугдаар нэһилиэгэр, сахалар өссө сүрэхтэнэ иликтэринэ, Мындай диэн сүллэр баай киһи олорбута үһү. «ХС»
◊ Сүллэр этиҥ поэт. — олус күүстээх дуорааннаах этиҥ. ☉ Очень сильный раскатистый гром
Бу курдук үҥкүүлээн эрдэхтэринэ, суос-соҕотохто халлаан түөрт өттүттэн сүллэр этиҥ этэн лүһүгүрүүр. Суорун Омоллоон
Өрүскэ күлүгүн саба түһэрбит өһөх хара былыт хоонньугар эрийэ-буруйа охсон, чаҕылҕан сандаарталаан баран, сүллэр этиҥ бачыгыраамахтаата. Д. Таас. Чаҕылҕан чаҕылыйбыта, киһи куйахатын күүрдэр сүллэр этиҥ лүһүгүрээбитэ. Индия кэпс.