аат., кэпс. Эргэ таҥас кырадаһына, өрбөх. ☉ Кусок, лоскут (обычно от старой одежды, ткани), тряпица
[Сөдүөччүйэ] быыкаайык кыһыллыбыт чэйи тэрэпиискэҕэ суулаан аҕалбытын, икки дьукаах аҥаардаһан чаанньыктарыгар кутуталаан кэбистилэр. Амма Аччыгыйа
Остуолга сыа арыытын кутан, тэрэпиискэнэн битииллээн оҥоһуллубут чүмэчи имиксамык умайар. В. Протодьяконов
Тэбиитин мөлтөтөр туһугар хапкаан кылдьыытын тэрэпиискэнэн эрийэр ордук үчүгэй. Булчуттарга к.

аат., эргэр. Тугу эмэ (хол., сүөһү куолайын, туоһу) хатаран, онно ууллубут сыаны кутан, битииллээн оҥоһуллар сырдатар тэрил. ☉ Самодельный светильник (напр., из высушенного пищевода скота, берёсты), куда вливали топлёный жир и вставляли фитиль, жирник
Иһиччит ыһыырынньыкка арыы эбэн, сүнньүн көннөрөн остуолга илдьэн уурда. Болот Боотур
Куолайга кутуллубут сыа ыһыырынньык остуолга умайан симириҥнии турар. П. Филиппов
Сырдатар уот суоҕа, аҕам сүөһү куолайыгар сыаны уулларан ыһыырынньык оҥороро. И. Никифоров
ср. русск. ‘жирник’