Якутские буквы:

Якутский → Русский

биһирээ=

одобрять, признавать; мин эн эппиккин биһирээтим я одобрил то, что ты сказал.

Якутский → Английский

биһирээ=

v. to like, admire; биһирэм n. admiration

Якутский → Якутский

биһирээһин

биһирээ диэнтэн хай
аата. [Туллукчаана] биригэдьииринэн үлэлээн холкуостаахтар биһирээһиннэрин, ытыктабылларын, тапталларын ылла. «ХС»
Уопуттаах хирург биһирээһинэ эдэр эмчиккэ улахан наҕараада этэ. В. Протодьяконов
Били Проблемнай Сэбиэт биһирээһинин кэнниттэн Кылбановскай «бииргэ үлэлиэхпит, көмөлөһүөхпүт» диэбитэ, ол онон хаалбыта. В. Яковлев

биһирээ

туохт. Туох эмэ үчүгэйин булан хайҕаа, сөбүлээбиккин биллэр. ☉ Признавать что-л. хорошим, правильным, допустимым, одобрять
Кинини бүтүн дэриэбинэ бүтүннүү биһириирэ, дьон кининэн истэригэр киэн тутта саныыллара. Суорун Омоллоон
Үһүөн ытыстарынан имэрийбэхтээн, тарбахтарынан тоҥсуйбахтаан, мастарын олус биһирээтилэр. Амма Аччыгыйа
Арыт туран, түһээммин, Кустуу сылдьар буоларым, Отуу чэйин биһирээммин, Бурулуйа буһарым. Күннүк Уурастыырап
Ханнык боппуруос дьүүллэһиллэрин өйдөөн истибэккэ хаалбытым. Арай эн эрэ эппиккин олус биһирээбитим. Н. Лугинов
монг. бисирэ

Еще переводы:

одобрение

одобрение (Русский → Якутский)

с. сөбүлээһин, биһирээһин, хайҕааһын.

preferences

preferences (Английский → Якутский)

биһирээһин, ордоруу (ордугунан ааҕыы)

поощрение

поощрение (Русский → Якутский)

с. I. (действие) хайҕааһын, көҕүлээһин, биһирээһин; 2. (награда) биһирэбил (бириэмийэ).

апробация

апробация (Русский → Якутский)

ж. 1. апробация, апробациялааһын, биһирээһин (бэрэбиэркэлээн, боруобалаан көрөн баран биһирээһин); апробация научных трудов научнай үлэлэри апробациялааһын; 2. с.х. апробация, апробациялааһын, боруобалааһын; апробация семян сиэмэни боруобалааһын.

бай-бай

бай-бай (Якутский → Якутский)

саҥа алл. Биһирээһини, сэҥээриини көрдөрөр. ☉ Выражает одобрение, хвалу чего-л.
Бай-бай, кэпсээ. И. Никифоров
[Татыйыыс:] Бай-бай, Баһылайым барахсан! Маанылыыра доҕорум, Массыынатын ыыппыт. Күндэ

саамай сөп

саамай сөп (Якутский → Якутский)

саҥа алл. Тугу эмэ улаханнык сөбүлэһиини, биһирээһини бэлиэтиир. ☉ Выражает решительное согласие с чем-л., одобрение чего-л.
Саамай сөп! Үчүгэйтэн үчүгэйи оҥорон иһиэххэ. М. Доҕордуурап

ай

ай (Якутский → Якутский)

I
саҥа алл., кэпс. Үөрүүлээх биһирээһини көрдөрөр, үксүгэр да эбиискэни кытта туттуллар. ☉ Выражает радостное одобрение, обычно употребляется с частицей да
[Мүлдьү:] Бүү! һук! Дьэ харсыһыы буолла... һок! һок! Чуокка кыайда. Ай-да биһиги Чуоккабыт! Суорун Омоллоон
Ай-да, обургуо-о! ПЭК СЯЯ
[Маайыс:] Ай-да, аҕам маладьыас (кууһар). С. Ефремов
II
эргэр. Тугу да үөскэппэт буол, үөскэтэр дьоҕургун сүтэр (кырдьан, ыалдьан — киһи, сүөһү туһунан). ☉ Потерять способность производить, давать что-л. (от болезней, старости, напр., приплод, молоко — о корове)
Үүтүттэн, уруутуттан айан барбыт сүөһү (ынах, сылгы). Уруутуттан айан барбыт киһи буолуо. ПЭК СЯЯ

тыый

тыый (Якутский → Якутский)

саҥа алл.
1. Эмискэ соһуйууну, өмүрүүнү эбэтэр биһирээһини көрдөрөр. ☉ Выражает внезапное удивление или восхищение
«Тыый, аныаха дылы бүтэ илик бэйэкэлэрэ дуу?» — диэн мин соһуйа санаатым. Н. Заболоцкай
Тыый, аны бэрэссэдээтэлбит бэйэтинэн тиийэн кэллэ дуу? А. Фёдоров
«Тыый, англичаннар сүрдээх да дьоннор эбит, дьэ чахчы таҥара дьоллообут норуота буоллаҕа», — учуутал киһитигэр өссө ыкса сыҕарыйда. П. Филиппов
2. Куттаныыны, дьулайыыны көрдөрөр. ☉ Выражает испуг, ужас
[Кыыс:] «Тыый, куттаннахпын да, куойдахпын да! Хомойдохпун нии!» — диэтэ, ийэтин күлүгэр сөрүөстэ түстэ. Ньургун Боотур
— Хайа, оҕонньоор, бу туох буоллуҥ? — Санаам оонньоон... Биһиги киһибит сураҕа куһаҕан үһү. — Тыый! — Сөдүөччүйэ олоро түстэ. Амма Аччыгыйа
Тыый, эһэ итиннэ сыттаҕа дуу? Аны табалары аймыа! Н. Заболоцкай

биһирэс=

биһирэс= (Якутский → Русский)

совм.-взаимн. от биһирээ =.

биис

биис (Якутский → Якутский)

I
аат.
1. Биир тыллаах-өстөөх, уопсай олохтоох-дьаһахтаах, олорор чопчу сирдээх эбэтэр бииргэ сылдьар уруулуу дьон холбоһуга (кылаастар үөскүөхтэрин иннинэ). ☉ Племя
Хара муора хоту эҥээригэр готтар диэн германскай биистэр олохсуйбуттара. КФП БАаДИ
Илиҥҥи славяннар биистэрэ хайа кэмҥэ ханна олоро сылдьыбыттарын археология дааннайдара кэпсиир кыахтаахтар. ВМС СДО
2. Хамныыр-харамай, үүнээйи көрүҥэ. ☉ Вид, род животных и растений
Үүнээйи бииһэ киһи сөҕүөн курдук үгүс араастаах. КВА Б
Кус бииһиттэн, биллэн турар, көҕөн уруттуо, маҥнай тахсыбыт ууга кини бэйэлээх маатыргыа. С. Никифоров
3. эргэр. Дьон (итэҕэлинэн, кылааһынан, эр киһитинэн-дьахтарынан уо. д. а.) арааһа. ☉ Разряд людей (по классовому признаку, полу и т. п.)
Кулут бииһигэр куһаҕаны оҥорбут аньыым суоҕа. П. Ойуунускай
Үлэһит-хамначчыт аймаҕа баай-тот бииһин хаан өстөөҕүн курдук көрөр. М. Доҕордуурап
4. көсп. Туох эмэ арааһа, араас суол көрүҥэ. ☉ Разновидность, вид чего-л.
Быйыл массыына бииһэ барыта хахха сиргэ хомулунна, ол эрээри өрүмүөн үлэтэ эмиэ сыыллан иһэр. Н. Габышев
«Оһох бииһин арааһын оҥорорго идэм сайдыбыт киһи мин баарбын», – диэн Игнатий биллэрбитэ. М. Доҕордуурап
◊ Биис ууһа – биис I диэн курдук
Монгуоллар улаханнык кыргыһан тумат диэн биис ууһун бэриннэрбиттэрэ. Далан
Билигин Саха сиригэр бурдук бииһин ууһа барыта ыһыллар. Суорун Омоллоон
Бааллар – буҕаалтыр бииһин ууһа барыта, холхуостаах бары араҥата, биригэдьиир арааһа. С. Федотов
II
саҥа алл. Биһирээһини, сөҕүүнү-махтайыыны сэргээн этэр саҥа. ☉ Возглас, выражающий одобрение, восхищение, бис
Икки куолаһынан «Кэрэчээнэни» тардан кэбистибит. Тула өттүбүтүгэр өссө ыллатаары «биис» хаһыытыыллар. «ХС»