туохт. Салгыҥҥа ытыллан, өрүкүйэ көт (сымнаҕас хаар, быыл туһунан). ☉ Взвихриться, клубиться (о снежной, дорожной пыли)
Саҥа түспүт сымнаҕас хаар табалар туйахтарыттан өрө ытыллан тахсан, тыалга эриллэн бурҕачыҥныы-бурҕачыҥныы, көтөн күппээрийэн истэ. Болот Боотур
Ыраах буор күппээрийэ турда, — Карагез обургуну миинэн баран Азамат ойута турда. М. Лермонтов (тылб.)

туохт.
1. Эбии күүһүрэн тыалыр, тымный (халлаан туһунан). ☉ Становиться более ветреным, холодным (о погоде)
Кырдьаҕастар тыллара-өстөрө быйыл хобдох. Кураан сайын иһэр, сааһын эрдэ аҕалан баран, халлаан түүннэри-күннэри кыйыдыйан сииги мэлиттэ дэһэллэр. У. Нуолур
Кыһын тыалынан-кууһунан кыйыдыйан кэлэр. А. Кривошапкин (тылб.)
Тымныы оҕус буолан орулуур, Тыына оргуйар, бурҕачыҥныыр. Тыал кыыһыран кыланар, кыйыдыйар, Тула хаары ыһар. Ытыйар. Н. Тарабукин (тылб.)
2. көсп. Кыйаханан, улам улаханнык кыыһыран тур. ☉ Сердиться, злиться сильнее, распаляться; возмущаться
«Сатана баара…» — диэн Аянитов тииһин быыһынан сыыйан, ис-иһиттэн кыйыдыйан сибигинэйдэ. Софр. Данилов
«Сарсыҥҥы диэн суох!» — Баһыкка ити тыллары Кирилэ хайдах эрэ ис-иһиттэн кыйыдыйан эппитин санаата. «ХС»
Магдьали бастаан ымманыйан, онтон кыйыдыйан этиитин дьоно чуумпуран истэннэр таалан турдулар. «ХС»