аат., кэпс. Харабылга турар киһи; тугу эмэ харабыллыыр киһи. ☉ Охранник, сторож; караульный
Арай харабынай бууткатыгар телогрейка сонноох ханна эрэ көрбүт киһим олорор. СН ЭСЭ
Улахан Баһылай хатыҥ чэкилиэргэ саайбыт кыстыга отуу харабынайын курдук дьоройон турар. С. Маисов
Михаил Федотович харабынайы кытта быраһаайдаһан, аа-дьуо тахсан барда. М. Тимофеев

аат.
1. Наһаа мээккэ быыл. ☉ Мелкая пыль
Кини [Прокопий] сирэйигэр испиэскэ бырдаҥалаабыт, кыламана баттаҕа куоппас буолан күрэҥсийэ күкээрбит. В. Протодьяконов
Манна [бууткаҕа] ып-ыраас, туох барыта уурбут-туппут курдук, бэрээдэктээх этэ. Куоппас, туох эмэ сыыс кэлиэ дуу, ып-ыраас. ДФС КК
2. Үүнээйи быыл курдук бытархай сиэмэтэ (тычинкаттан көтөр). ☉ Пыльца
Бу маһыҥ бэс ыйыгар дьиктитийэр; эргэ туорааҕа түһэр, саҥа туораах үүнэр. Тыал түстэҕинэ, куоппас көтөн бурҕайар. В. Сыромятников
Хас биирдии тычинкаҕа куоппас хаата …… уонна тычинка саба баар. КВА Б

туохт., түөлбэ. Баарсаны, оҥочону о. д. а. урууллаа, куормалаа. ☉ Править рулем, держать руль, рулить
Оҥочону кутуруктаа. Шкипер баарсаны кутуруктуур бууткаҕа киирэн туран: «Үчүгэй, хата суолбут аһаҕас эбит», — диэн үөрдэ. Н. Якутскай
♦ Сиэллээн-кутуруктаан эт (саҥар) — ситэрэн-хоторон, уустаан-ураннаан, ыпсарыылаахтык эт. ☉ Говорить очень подробно, вычурно, витиевато
[Өбүгэлэрбит] …… бэрт кыраны да иһиттэхтэринэ, сиэллээн-кутуруктаан, олоххо буолуохтааҕын, кэлиэхтээҕин сылыктаан, бөлөһүөктээн кэпсииллэр диэ. Н. Босиков
Ваня Земнухов сэмэй, элэккэй баҕайытык туттунара, сиэллээн-кутуруктаан саҥарара. А. Фадеев (тылб.)

1. даҕ. Уот барыытын, баһаары тохтоторго, умуруорарга аналлаах. ☉ Относящийся к тушению, предупреждению пожаров, пожарный
   Баһаарынай харабыл, олохтоох дьон уонна кыһыл саллааттар умайа турар дьиэни тула мустан, бары саба түһэн үлэлээн бараллар. Эрилик Эристиин
   Ыксал буолбутугар Костя эрэ төбөтүн сүтэрбэтэх этэ: кини уот кыайтарыа суоҕун билэ охсон, баһаарынай бууткаҕа ыстаммыт уонна уот умуруорар тэрили аҕалбыт эбит. Далан
   Биһиги дойдубут ойуурун хаһаайыстыбатын харыстааһыҥҥа баһаарынай сулууспалар хайдах түргэнник тиэрдиллиэхтээхтэрин былааннара оҥоһуллуохтара. «Кыым»
2. аат суолт. Уоту утары охсуһууга, баһаары умуруорарга анал бэлэмнээх үлэһит (үксүгэр э. ахс. тут-лар). ☉ Пожарные
   Баһаарынайдар кэлэн уоту умуруоран барбыттара. Суорун Омоллоон
   Баһаарынайдар өссө төгүл …… идэлэригэр муҥура суох бэриниилээхтэрин, техническэй кыахтаахтарын көрдөрдүлэр. «Кыым»