бырастыылас диэнтэн хай
аата. Олоҕу кытта бырастыылаһыы чэҥнээх дьыбардара кини уоһун уһуктарын таҥнары тардаллар. Амма Аччыгыйа. Эһиилигэр, 1942 сыллаахха, Эллэй Сэбиэскэй Аармыйа кэккэтигэр ыҥырыллыбыта
Кини дойдутуттан, дьонуттан арахсан барарыгар «Бырастыылаһыы» диэн хоһоону суруйбута. Софр. Данилов

туохт.
1. Арахсарга илии тутуһан эбэтэр тылынан бэйэҥ санааҕын биллэр. ☉ Проститься (при расставании)
Көрүстэххэ дорооболоһор, арахсарга бырастыылаһар, ыалдьыты олордор сүдү культура сыста илик киһитэ — мин кылааһым диэки талырдыы турдум. Амма Аччыгыйа
Оннооҕор суолга аргыстаспыт киһини кытта бырастыылаһар баҕайыта. Софр. Данилов
2. Билэр өлбүт киһиҥ дьонугар кэлэн кутурҕаны биллэрэн, сиэри-туому толор. ☉ Проститься (с покойным)
Уулаах хоруобу аһан, өлбүт киһи тоҥон хаалбыт этигэр иэдэһин даҕайталаан кириэстии уурталаан бырастыыласта. Эрилик Эристиин
Нараҕаннаах Лоокууттарын: «Ньургуһуну кытта тахсан бырастыылас», — диэбиттэрин төрүт буолбатаҕа. Дьүөгэ Ааныстыырап
3. көсп. Кимтэн, туохтан эмэ араҕыс, мат. ☉ Лишаться кого-чего-л.
Лэглээрдэр эрэйдээхтэр «Дулҕалааххытыттан» бырастыыластыгыт эбээт... Амма Аччыгыйа
Сиэнньэҕиттэн, бука, бырастыыластаҕыҥ буолуо оҥоробун. Ханнык эмэ балбаах таһааччы моролуйбут уолга эргэ тахсаахтыаҥ. М. Доҕордуурап

прощаться; илии тутуһан бырастыылас = проститься за руку; бокуонньугу кытта бырастыылас = проститься с покойным.