бычыгырас диэнтэн хай. аата

тыаһы үт. туохт.
1. Тохтобула суох дьырылаччы ыллаа, саҥар (чыычаах, бочугурас о. д. а. тустарынан), күл (хол., оҕо туһунан). ☉ Щебетать (о птицах, рябчиках и т. п.), смеяться (обычно о детях)
Уола өкчөс гына түһээт, күлэн бычыгырыыр уонна лааскайы көрдөөн тарбачыһар. Амма Аччыгыйа
«Кэбис, ытаама, ынырыга бэрт буолуо», — диэн баран кыыс күлэн бычыгырыыр. Н. Түгүнүүрэп
2. Биир тэҥник кэккэлээн көһүн. ☉ Виднеться ровными рядами
Ойуур чыычааҕыныы ыллаан бычыгырыыр, Оҕуруолуу тиистэрэ бычыгырыыр. К. Туйаарыскай
3. Бытархай таммахтарынан тахсан кэл (хол., көлөһүн, уу о. д. а.). ☉ Выступать мелкими каплями (о поте, воде и т. п.)
Мичээрдээбитигэр бэлиэр кубарыччы хаппыт уоһа быһа ыстанан, хаан бычыгыраата. Т. Сметанин
Сүүһүгэр тымныы көлөһүн бычыгыраан тахсыбыта, туох да диэн хардарыан булбатаҕа. П. Филиппов. Ойуун аа-дьуо туран, дүҥүрүн тыастаахтык ороҥҥо бырахпыта, былаайаҕын туппут уҥа илиитин көхсүнэн чанчыгар бычыгыраабыт көлөһүнүн туора соттубута. Тулхадыйбат д.

I
бычыгыраа диэнтэн холб. туһ. Хайыһарын уста турдаҕына, ханна эрэ харыйалар хойуу лабааларын быыстарыгар бочугурастар бычыгырастылар. Амма Аччыгыйа
Тыһылаах атыыр чыычаахтар кэлэннэр, аттыларынааҕы хахыйахха олороннор, кутуруктарын хамсата-хамсата бычыгыраһан бараннар, көтөн хааллылар. Н. Түгүнүүрэп
Мап-мааныкаан туллуктар халыҥ үөрдэрэ бычыгыраһа көттүлэр. Н. Лугинов
II
даҕ. Бытархай, лоппойо сылдьар (хол., ойуу туһунан). ☉ Мелкий, выпуклый (напр., об орнаменте)
Хас да ыал килэбэчигэс суон ньаалбаан турбалаахтар — онтукалара түөрт-биэс сиринэн боробулуоха курдаах уонна хатырык курдук бычыгырас ойуулаах. Н. Габышев