сов. 1. кого ситэри үөрэт, үөрэҕин бүтэртэр; 2. что ситэри үөрэт.

аат. Тыраахтар иннигэр олордон сири тэҥнииргэ эбэтэр хаһан астарарга туттуллар улахан хоруйар тимирдээх оҥоһук, араама: оннук холбонуулаах тыраахтар. ☉ Бульдозер
Землянка оҥоһуутун, бульдозерынан хастарыыны комплекснай биригээдэ биригэдьиирэ …… салайан алтынньы 15 күнүгэр бүтэртэрбитэ. АГГ СТИи

сыһ. Бука бары, биир да ордубакка бүтүннүү. ☉ Все, все без исключения; целиком
Казначейство сулууспалаахтарын үлэттэн ууратыы куорат үлэһиттэрин үс нэдиэлэ устатыгар буолбут уопсай бүттүүн забастовкалааһыннарын төрүөтэ буолбут. СБТТ
Ыам ыйын икки күнэ. Сэбиэскэй командование бары бүттүүн капитуляцияны модьуйар этиитин төлөрүппэтэҕэ. А. Данилов
Бары Сэбиэттэргэ дьокутааттара быыбардааччылар бары бүттүүн, тэҥ уонна судургу быыбардыыр быраапка олоҕуран, кистэлэҥ куоластааһынынан талаллар. СГПТ
◊ Бүттүүн орто үөрэхтээһин — биир да оҕону хаалларбакка хайаан да орто үөрэҕи бүтэртэрии. ☉ Всеобщее среднее образование. Бүттүүн орто үөрэхтээһиҥҥэ киирии
□ Биһиги бырабыыталыстыбабыт бүттүүн орто үөрэхтээһин курдук сүҥкэн суолталаах соругу норуот иннигэр туруорда. Н. Лугинов. Бүттүүн тыл — норуот бүтүннүүтэ туттар, кэпсэтэр тыла. ☉ Всенародный язык
Актыыбынай словарнай састаапка билиҥҥи кэмҥэ сурук да, кэпсэтии да тылыгар туттуллар саха бүттүүн тыллара киирэллэр. АПС СЛ

туохт.
1. Сэрии сэбинэн хааччый, сэптээ-сэбиргэллээ. ☉ Вооружать (военным снаряжением)
Омук империалистара көмөлөһөннөр, сэбилээннэр, онуоха эбии үрүҥ чехтэр өрө тураннар, үрүҥнэр Сибииргэ бүтүннүүтүгэр кэриэтэ Сэбиэскэй былааһы сууллардылар. Софр. Данилов
Туйгун боотурдарын, Ньургуну, тулалаан, сэбилээн, алҕаан бараллар. Суорун Омоллоон
Табаарыс Волкотруб бойобуой разведчиктары сүүмэрдээн ылбыта, брауниннарынан уонна гранаталарынан сэбилээбитэ. ӨӨККҮ
2. көсп. Олоххо туһалаах буолар туох эмэ наадалаах хаачыстыбаны иҥэр, хааччый. ☉ Снабжать кого-л. необходимыми качествами, которые могут понадобиться в какой-л. деятельности, вооружать (напр., знаниями)
Кини [учуутал] буолбат дуо, биһиги өйбүтүн араас эгэлгэ билиинэн сэбилээн, оскуолабытын бүтэртэрэн, олох суолугар киллэрэн, алгыстаах тылынан атааран хаалбыт? Софр. Данилов
Олоҥхоҕо норуот бэйэтин геройун «күн сирин күүһүн аҥаара» күүстүүрүн курдук, бу да остуоруйа Чурум-Чурумчукуну сөҕүмэр албаһынан сэбилиир. КАА ТЛБКҮө
Кинини билиинэн, уопутунан сэбилээтэххэ эрэ, айымньылаах, көдьүүстээх үлэни эрэйиэххэ сөп. «К»