туохт.
1. Ойуолаан сүүр (сылгыны этэргэ). ☉ Идти вскачь, галопом, галопировать (о лошади)
Ойуур быыһынан маары эргийэ бөтөрөҥнөөн көппөрөҥнөөн иһэн ат хорус гына түстэ. Софр. Данилов
Ат, бөтөрөҥнөөн ыла-ыла, айаннаан матайар, түргэн туйаҕа кураанах буорга табыгырайар. Н. Габышев
2. кэпс. Сүүр, ыксаан сүүр (сүөһүнү, кыылы уонна киһини этэргэ). ☉ Бежать, идти быстро, поспешно (о человеке, животных)
Балаҕан үрдүттэн Баһарҕастаах хара ыт, Уохтаахтык үрэн баргыйан, Умса бөтөрөҥнөөн түстэ. С. Васильев
Дьиэ таһыттан уоллара Уйбаанчык обургу өрө бөтөрөҥнөөн киирдэ. П. Ойуунускай

туохт.
1. Ойуолаан, түөрт атах түһэн сүүр (үксүгэр ат туһунан). ☉ Скакать галопом, галопировать
Ат, сымнаҕас хаарга халтарыйахалтарыйа, айаннаан өкөчөҥнөөтө. Софр. Данилов
[Сүүрүк ат] үөрбүт курдук, ыйылаабытынан эмиэ утары өкөчөҥнөөн иһэн тохтообута. «ХС»
Хаҥас ойоҕоско иһэр ат төбөтүн токуччу туттан баран, өкөчөҥнөөтө. Л. Толстой (тылб.)
2. Өкөччү туттан баран сүүр (киһи туһунан). ☉ Бежать, наклонившись вперёд (о человеке)
[Симэхсин эмээхсин] сыалыйатын илин-кэлин өттүттэн харбаата да, өкөчөҥнүү турда. ПЭК ОНЛЯ I
Уҥа илиитин оҕо курдук көтөҕөн сүүрэн өкөчөҥнөөн иһэр саллаат биһиэхэ кэтиллэ сыста. Н. Кондаков