аат.
1. Олоххо туох буолбутун, олох көстүүтүн күн ахсын сурукка киллэрэн бэлиэтээһин. ☉ Дневник (записи наблюдений)
[Учуутал] оҕолор сайыҥҥы үлэ кэмигэр айылҕа кэрэ көстүүлэрин, миэстэлэрин туһунан диниэбинньиктэригэр суруна сылдьалларыгар сүбэлиир. АНВ СТУ
Кыстыкка киириэхтэн ыла ынахтар уолуулара элбээн үүт ыама намтаан испитин күннээҕи ыам диниэбинньиктэрэ көрдөрөллөр. «Кыым»
△ Киһи тус бэйэтин санаатын, көрүүтүн, билбитинкөрбүтүн бэлиэтиир тэтэрээтэ. ☉ Дневник (записи личного характера)
Урут эмиэ хаста да диниэбинньик сурунан испиттэрим бааллара да, аҕыйах хонукка суруйаат, быраҕыталаан кэбиһэрим. Софр. Данилов
Кини [Ксенофонтов] хоруо буолбут өлүгүн тааҥка иһиттэн ылбыттара. Планшетын иһиттэн уокка кэриэрбит диниэбинньигин булбуттара. П. Филиппов
2. оск. Үөрэнээччи дьиэҕэ сорудахтарын сурунар, ылбыт сыанатын туруортарар тэтэрээтэ. ☉ Дневник (ученический)
Айаал диниэбинньигин көрбүтүм, ахсаан уруогар бүтүннүү биэс, түөрт сыана кэккэлээбит. Уура сылдьыам диниэбинньикпин, Эн хонуу кэриэтэҕин, Биэс, түөрт сыана - сибэкки, Икки сыана - эрбэһин. И. Гоголев

аат. Алпаабыкка киирэр саҥа дорҕоонун бэлиэтэ. ☉ Буква
Кыһыл, күөх харандаастарынан олус дэхси тэҥ буукубалары кэчигирэччи туруортаан «Дневник» диэн суруллубут. Амма Аччыгыйа
Былыргы биир киһи сыҥаах баттанан олорон: «Дьиэ-буо»,• диэн дьиэрэтэн ыллыыр ырыатыгар эбии нуучча ырыатын куорматынан аһаҕас буукубатын ахсаана тэҥ ылланар ырыа диэн үөскээн таҕыста. Эрилик Эристиин
Арпагыраапыйа доҕолоҥнууруттан эбитэ дуу, олортон сорохторо (Алып Самнаҕай, Күөкэй Боллоҥ эҥин курдуктар) кыра, улахан буукубаттан булкуйа сурулланнар анал аат буолалларын мунаахсытан ылаҕын. ФЕВ УТУ
Кырачааннарга буукубаны биллэрэ, сатаан ааттата, олору холбооттотон тыл таһаартара үөрэтии хас биирдии ымпыга-чымпыга Евдокия Дмитриевнаҕа сүктэриллэр. «Кыым»

аат.
1. Графит эбэтэр атын өҥнөөх кырааска үөстээх мас сурук тэрилэ. ☉ Графитная палочка, обычно оправленная в дерево, для письма, рисования, карандаш
Кыһыл, күөх харандаастарынан олус дэхси тэҥ буукубалары кэчигирэччи туруортаан «Дневник» диэн суруллубут. Амма Аччыгыйа
Нукулай сиэбиттэн кумааҕыны, харандааһы ылан, хатырыктан тосту тардан ылан, онно ууран олорон суруйар. Күндэ
[Елена Васильевна:] Өҥнөөх харандаастаргытын бэлэмнээҥ, аны уруһуйдуубут. Л. Габышев
2. Гириимнииргэ, косметическай сыаллаах, үксүгэр киһи хараҕын тупсарарга туттуллар кырааска үөстээх мас тэрил. ☉ Карандаш для рисования, раскрашивания, для косметических целей
— Чэ, оннук-оннук… Хата харандааскын аҕал эрэ, кыратык хараҕым үрдүн ойуулана түһүөм. СН ЭСЭ