хантай диэнтэн көстө түһүү. Балбаара эмээхсин тохтуу түһэн халлаан диэки хантас гынна. Амма Аччыгыйа
Иһиччит бэргэһэтин кырыатын соттон, арҕаа диэки хантас гынан, уҥуоргу мырааны одуулаабыта. Болот Боотур
Тиэргэн күрүөтүн таһыгар баайыллыбакка сылдьар ата хантас гынаат, дьырылаччы кистээтэ. И. Гоголев

даҕ., кэпс. Тииһинэн түһэр идэлээх, ытырыык (үксүгэр аты этэллэр). ☉ Имеющий привычку кусаться, кусачий (обычно о лошади)
Хаарымтаҕай биэттэн куотан, Хара тураҕас кулунчук Дьырылаччы кистиикистии Тамайа сүүрэн кэлэн, Таптыыр ийэтигэр сыстыбыта. Болот Боотур
Ат сиргэмтэх, хаарымтаҕай этэ, бэйэтин билинэр эрэ киһи миинэрэ. П. Аввакумов
Ити дьаҕыллаах сур соноҕос баҕайы хаарымтаҕайа сүрүөн. «ХС»

тыаһы үт. туохт.
1. Тохтобула суох дьырылаччы ыллаа, саҥар (чыычаах, бочугурас о. д. а. тустарынан), күл (хол., оҕо туһунан). ☉ Щебетать (о птицах, рябчиках и т. п.), смеяться (обычно о детях)
Уола өкчөс гына түһээт, күлэн бычыгырыыр уонна лааскайы көрдөөн тарбачыһар. Амма Аччыгыйа
«Кэбис, ытаама, ынырыга бэрт буолуо», — диэн баран кыыс күлэн бычыгырыыр. Н. Түгүнүүрэп
2. Биир тэҥник кэккэлээн көһүн. ☉ Виднеться ровными рядами
Ойуур чыычааҕыныы ыллаан бычыгырыыр, Оҕуруолуу тиистэрэ бычыгырыыр. К. Туйаарыскай
3. Бытархай таммахтарынан тахсан кэл (хол., көлөһүн, уу о. д. а.). ☉ Выступать мелкими каплями (о поте, воде и т. п.)
Мичээрдээбитигэр бэлиэр кубарыччы хаппыт уоһа быһа ыстанан, хаан бычыгыраата. Т. Сметанин
Сүүһүгэр тымныы көлөһүн бычыгыраан тахсыбыта, туох да диэн хардарыан булбатаҕа. П. Филиппов. Ойуун аа-дьуо туран, дүҥүрүн тыастаахтык ороҥҥо бырахпыта, былаайаҕын туппут уҥа илиитин көхсүнэн чанчыгар бычыгыраабыт көлөһүнүн туора соттубута. Тулхадыйбат д.

I
туохт.
1. Тугу эмэ ким, туох эмэ көрбөтүн-билбэтин курдук, саһыар. ☉ Прятать
Чүөчээски суругун кистии тутан, түбэһиэхчэ биир кинигэ быыһыгар анньа охсон кэбистэ. Суорун Омоллоон
Онон-манан аралдьытан, биллэрбэккэ, сүгэни-быһаҕы кистээбиттэр. Күннүк Уурастыырап
Оҕонньор өс киирбэх хамсатын саппыйатыгар суулаан сиэбигэр кистиир. Н. Якутскай
△ Ис санааҕын, биллэримэ. ☉ Скрывать, утаивать, не подавать виду (о чувстве, состоянии)
Баһылай маладьыас — кини ис санаатын хаһан да кистээбэт. П. Ойуунускай
Ийэ долгуйбутун кистээн, соруйан, кыыһырбыт куоластаммыт. Амма Аччыгыйа
Лоокуут айманар, санааргыыр буолбутун дьонуттан кистии сатыыра. Дьүөгэ Ааныстыырап
2. харыс. т. Өлбүт киһини көмп, ииҥҥэ түһэр. ☉ Хоронить (умершего)
Киһилэрин кистээн киирэннэр, мустубут дьон хоолдьуга этин аһаабыттар. Болот Боотур
Бокуонньугу кистиир, кэриэстиир күннэргэ Сүөдэр Сүөдэрэбис толору сырытта. П. Аввакумов
Доҕорбун дойдубутугар таһааран кистээбитим. Н. Кондаков. Тэҥн. көмп
♦ Айыыны кистээбэккэ эттэххэ (тугу кистэниллиэй) көр айыы III
Эдэр кыргыттар сорохторо, чэ, айыыны кистээбэккэ эттэххэ, сүрэҕэлдьииллэр. Амма Аччыгыйа
Айыыбын тугу кистиэмий! Мин бу букатын быраҕыллыбыт оҕо дии санаабытым, ол иһин харайбытым. С. Ефремов
Айыыны тугу кистэниллиэй, …… ардыгар баһаам харчыны туора дьыалаҕа ороскуоттууллар. «Кыым»
Тыҥыраҕын кистиир көр тыҥырах. Биһиги туох-ханнык буолуор диэри тыҥырахпытын кистээн, хайдах эрэ албыннаһан, ньылбыйан сылдьыахтаахпыт. Н. Якутскай
ср. тюрк. кизле ‘прять, скрывать’
II
туохт. Дьырылас саҥаны таһаар (сылгы, элиэ туһунан). ☉ Ржать (о лошади), издавать крик, похожий на ржание лошади (о коршуне)
Аан дойду атыыра кистиир үһү, улуу дойду оҕуһа мөҥүрүүр үһү (тааб.: этиҥ). [Ат] Дьырылаччы кистээтэ, Тыбыыран кээстэ. П. Ойуунускай
Муҥур тииккэ олорор элиэ кулуннуу кистээн дырылатта. Амма Аччыгыйа
ср. тюрк. кишне, саг. кистэ ‘ржать (о лошади)’