см. дьүдэх .

даҕ.
1. Ырыган, ииммитхаппыт (эт-сиин туһунан: сөрү-сөп турукка тиийбэт, сыата суох). ☉ Худой, тощий (о человеке, животном)
Биллэ хараарбыт дьүдьэх сирэйин дьирбиилэригэр иннэ доҕуутун саҕа быыкайкаан таммахтар мустубуттар. Софр. Данилов
Илдьирийбит таҥастаах, наһаа дьүдьэх дьүһүннээх үгүс киһини борохуоттан таһаардылар. В. Протодьяконов
Ибрагим, хатан хаалбыт дьүдьэх илиитинэн бар-түү буолбут сирэйин саба туттан, өр соҕус умса түһэн олорбохтоото. П. Филиппов
2. Мөлтөх көрүҥнээх; чанчарык. ☉ Плохонький; неопрятный, неряшливый
Бэйэтин уруккуттан да соччолоох чочуонайдык туттубат киһи, таҥаһасаба эбии эргэрбит, киртийбит. Уопсайынан дьүдьэх, чанчарык көрүҥнээх. «Кыым»
Хас да дьүдьэх балаҕан, кырыктаах өрүстэн дьулайан чугуруҥнаспыт курдук, кэннилэринэн туруору таас хайаларга сыстыбыттар. В. Короленко (тылб.)
△ Тиийиммэт-түгэммэт, быстыбыт-ойдубут. ☉ Убогий, бедный
Кини остуоруйатыгар бэрт элбэх эрэйи, атаҕастабылы, муҥу туораан, уһугар тиийэн дьадаҥы байар, мөлтөх күүһүрэр, акаары өйдөнөр, дьүдьэх [киһи] киэркэйэр. Амма Аччыгыйа
Эргиэмсиктэр бас билэн олорор ыраах хотугу сирдэрэ улахан дьүдьэх олохтоох дойду этэ. СГПТ
Биһиги Россияны умнаһыт уонна дьүдьэх дойдуттан баай дойду оҥоруохпутун баҕарабыт. В. Ленин (тылб.)