туохт.
1. Бэйэҕин кытта тугу эмэ ылан бар (тутан, кыбынан, көтөҕөн, сүгэн, тиэйэн). ☉ Уходя, уезжая, брать с собой что-л., уносить, увозить
Остуолтан сылабаары сулбу тардан илдьэллэр. Амма Аччыгыйа
Онон Чүөчээски бастакы куртуйаҕын доҕоругар Намыын оҕонньорго илдьэн биэрбитэ. Суорун Омоллоон
Кирилэлээххэ сылдьан муҥханы тиэйэн илдьээриҥ, муҥха онно турар. Күндэ
2. Бэйэҕин кытта батыһыннаран (сиэтэн, үүрэн, аргыстаһыннаран) бар. ☉ Уходя, увести кого-л. за собой, с собой
Аны сүөһүбүн былдьаан ыларыҥ итэҕэс дуо? Ити эмээхсиним баар, ону илдьэ бар. Н. Неустроев
Кинини тутан манна илдьэ иһэннэр биэлэй саллааттара хаатыҥкатын былдьаан ылан бараннар, кээнчэтэ суох этэрбэһи биэрбиттэр. Эрилик Эристиин
Александр Сергееви саһар сиригэр Яков Гурьев илдьэ барда. М. Доҕордуурап
3. Тугу эмэ биир сиртэн атын сиргэ сыҕарыт, тиэрт. ☉ Переместить, поднести что-л. куда-л. «Бу олоххо олоруох кэриэтин...» - Сөдүөччүйэ ырбаахытын сиэҕин хараҕар илпитинэн барда. Амма Аччыгыйа. Илиитин кулгааҕар да илдьэр солото суох. А. Федоров. «Буору бүтүннүү тойотторбут ылаллар,- диэтэ, айаҕар илдьэн эрэр көбүөрдээх лэппиэскэтин тохтотто, - сокуоҥҥа ити хайдаҕый?» М. Доҕордуурап
4. Күүскүнэн-уоххунан сөрөөн бар, ханна эмэ тиэрт (айылҕа көстүүтүн туһунан). ☉ Быть унесенным чем-л., унести кого-что-л. (течением, ветром)
Уот сиэбитин, уу илпитин курдук (өс ном.). Дохсуннук сүүрэр уу уоҕурдууну бэрт түргэнник суурайан илдьэр. П. Егоров
Эбэтэ таһырдьаттан киирэн иһэн: «Ычча-у! Киһини илдьэр тыал түспүт», - диэтэ. Багдарыын Сүлбэ
5. Сырыт, олор диэн туохтуурдары кытта ситимнэһэн: бэйэҕин кытта баар гын, бэйэҕиттэн араарбакка сырыт, олор. ☉ В сочетании с глаголами сырыт, олор в значении «иметь при себе; носить, возить с собой; жить вместе»
Бары үөрүүнү-көтүүнү, көҥүл олоҕу бэйэлэрин кытта илдьэ сылдьаллара тоҕо баҕас үчүгэйэй... А. Софронов
Хаһыат баар... Бу сиэппэр илдьэ сылдьыбыт эбиппин. Амма Аччыгыйа
Бэйэтигэр сөптөөх, илдьэ сылдьар, аналлаах инструмент оҥостуммуппут. Суорун Омоллоон
Онтон туран Екатерина Второй ыраахтааҕы ыҥыртаран ылан дьиэтигэр кэргэн гынан бэрт өр илдьэ олорбут. Эрилик Эристиин
6. көсп. Туохха эмэ сирдээ, салайан тириэрт. ☉ Вести за собой, направлять кого-л.; быть во главе кого-чего-л.
Партияҕа - барҕа махтал, Мэлдьи илин Илдьэн истин! Күннүк Уурастыырап
[Ийэ сирбит] Өссө үүн, чэчирээ үйэлэр тухары, Эн, партия илдьэр суолунан! Күннүк Уурастыырап
тюрк. илт, елт

уносить, увозить, уводить кого-что-либо с собой; таһаҕаһы илт = увезти груз; ыарыһаҕы илт = увезти больного; оҕону илт = увести ребёнка; көтөҕөн илт = унести на руках (напр. человека); сиэтэн илт = вести, взяв за руки; поводить; сүгэн илт = унести, взвалив себе на спину; эндэҕэн илт = унести, взвалив на плечо, на плечи; тиэйэн илт = увезти; тутан илт = уносить в руках (что-л. небольшое); илдьэ бар = уходить, уезжать, прихватив с собой кого-что-л.; илдьэ кэл = приходить, приезжать, взяв, прихватив с собой кого-что-л.; илдьэ сырыт = иметь при себе что-л.; носить, возить с собой что-л.; докумуону илдьэ сырыт = иметь при себе документы; илдьэн биэр = унести, увезти что-л. и отдать кому-л.; илдьэ ис = идти, ехать, взяв с собой что-л.; илдьэ тур = увозить, уносить что-л. постоянно; илдьэ хаал = оставить при себе кого-что-л.; илдьэ барар идэм, кытта төрөөбүт кыдьыгым погов. (это) страсть, с которой я родился, (это) привычка, которую я унесу с собой в могилу.

v. to take away, carry