туохт. Кэриҥ, кээмэй өттүнэн көҕүрээ, кыра буолан көһүн. ☉ Уменьшаться в объеме, размере
Холкуос дьиэтэ-уота үксээн, үрдээн истэҕин аайы, кинилэр [Муҥуураптар] балаҕаннара улам кыччаан, иинэн, кирийэн иһэргэ дылы. Амма Аччыгыйа
Кини үөрэн мичээрдээбит сирэйэ өссө кыччаабыкка дылы буолбут. Далан
Ырааттахтарын аайы мончууктар улам кыччаан уу кырсын кытта силбэһэн хаалаллар. Н. Заболоцкай
△ Ахсаанынан аҕыйаа, аҕыйах буол. ☉ Уменьшаться, убавляться (в количестве, числе)
Өйдөтөбүт, эн эдэргин, тыыны ыҥыран аҕаллаххына, буруйуҥ чэпчиэҕэ, хаайыллар кэмиҥ кыччыаҕа. Н. Якутскай
Медицина үөрэҕэ сөҕүмэрдик сайынна. Эмтэммэт ыарыы ахсаана муҥутуурдук кыччыыр. Д. Токоосоп
Сопхуостар комплекснай пиэрмэлэригэр үлэһиттэр ахсааннара улам кыччаан иһэр. ПЕ ҮҮҮИ
△ Кылгаа, кылгас буол. ☉ Становиться короче, укорачиваться
Кырса ыырынааҕар кыччаата, Кутуйах уйатынааҕар куччаата. А. Софронов
Кыччаан барда дуу, тугуй, Тиийиэхтээх сирим арда. С. Тарасов
ср. др.-тюрк. кичиг, куманд. гиччи ‘маленький’