даҕ. Кубархай соҕус, сырдык бороҥ (өҥ). ☉ Бледноватый, белесоватый (о цвете)
Бытыылка куолайыттан дьэҥкир убаҕас кылдьыгырайан түстэҕин ахсын куруускалар түгэхтэриттэн кубархайдыҥы күүгэн өрө оргуйан тахсар. Софр. Данилов
Отуу аһаҕас ааныгар чаллах тиит баай, торҕо күөх мутукчатыгар кубархайдыҥы өҥнөөх суос-соҕотох көтөр олороро көстөр, хамсаабат. Н. Заболоцкай

даҕ.
1. Хаана-сиинэ суох, өлүк курдук олус кубаҕай. ☉ Мертвенно-бледный, совершенно бескровный (обычно о лице очень больного человека)
Айаан Миша диэки кылап гына көрөн кэбистэ, кубархай иэдэһин хамнатан мичээрдээбитэ буолла. Н. Лугинов
Бэрт кубархай хааннаах-сииннэх киһи, оргууй хааман кэлэн, дорооболосто. В. Яковлев
Хойуу пиибэ күүгэнинии Тыҥам уостан, доҕоруом, Ийэм куурбут кириэһинии Кубархайбын буолбат дуо? П. Тулааһынап
2. Күкээркэй кубаҕай; өлбөөркөй маҥан (өҥ). ☉ Тусклый, бледный, белесый; светло-серый (о цвете)
Түүн аайы сандаарарыттан ый салҕан Отууга быраҕыллыбыт тордуйатааҕар кубархай. И. Гоголев
Хоту сир хоодуота үрдүбэр эргийэн Кубархай халлааҥҥа хотой кыыл көтөрө. П. Тулааһынап

бледноватый; кубархай өҥ бледноватый цвет. кубархайдык нареч. бледновато.