Якутские буквы:

Якутский → Якутский

куккураа

тыаһы үт. туохт.
1. Үөһэттэн ыһыллан түс, тоҕун (туох эмэ бытархай, кытаанах, хол., буор туһунан), эбэтэр үөһэттэн сылдьырыйан түс; буору кытта түс. ☉ Сыпаться сверху или сползать, соскальзывать сверху сплошным потоком, лавиной (о чем-л. мелком и твердом); скатиться вместе с лавиной
Түөрт этиҥ түспүтүн курдук, тыас тыаһа дэлбэритэ барда, ийэ буор сирэ доргуйан титирии түстэ. Санаатыгар балаҕанын даҥа сирэйигэр куккуруу тоҕунна. П. Ойуунускай
Микиитэ тыына хаайтарарга дылы гынна, балаҕаныттан таҥнары куккураан түстэ. Амма Аччыгыйа
Балаҕан үрдүн буора тохтон куккураата, хаппыт буор киһи таныытын кычыгылатар гына өрө бурҕайда. ӨӨККҮ
2. Үөһэттэн саккыраан түс; мэһэйдээх, чычаас сиргэ сүүрэн чаккыраа, чырылаа. ☉ Стекать, струиться сверху, журча; течь по каменистому дну, вдоль каменных берегов, издавая характерное журчание
Үрүччэ таас эмпэрэттэн таҥнары куккуруур уонна тыһыынчанан таммах буолан ыһыллар. И. Данилов. Кумахтаах чаарга, чычааска Куккуруур сүүрүк эттэ: — «Утаппытыҥ буолуо куйааска, Бу баар тымныы уу, кэл бэттэх!» Баал Хабырыыс
Өрүс таастаах биэрэктэрин сайар сүүрүк сыыгыныы куккуруур курдук тыас, икки кулгаахпар үйэ тухары иҥэн, дьиэтийэн хаалбыта. Н. Абыйчанин

Еще переводы:

куккурат

куккурат (Якутский → Якутский)

куккураа диэнтэн дьаһ
туһ. Элэйбит эргэ күрдьэҕинэн Кутаа уоту баһан таһаараннар Хотугу өттүбүнэн Кутан куккуратан кэбистилэр. Саха фольк. Куонаан түргэнник сыгынньахтанан киирэн, моонньоох баһа эрэ быган турар Витяны илиититтэн хаба тардан ылан, кытыыга соһон куккуратта. Н. Заболоцкай
Ону [өлбүт табаны] Борькалаах үһүө кэлэн хаарчах таһын диэки соһон куккураппытынан бардылар. «ХС»

биир-биэс

биир-биэс (Якутский → Якутский)

биир-биэс кэпсэтиитэ (тыла) суох – биир тыла суох, тугу да утары эппэккэ. ☉ Беспрекословно, без всяких разговоров
Кинилэр олохтоох салалта сорудахтаабыт үлэтин биир-биэс тыла суох толорбуттара. «Кыым»
Аттарым туораатылар да, биир-биэс тыла суох үрдүк хайалар иэдэстэринэн таастыы сууллан куккураан, үлтү түһэн өлүөхпүтүн сөптөөҕө. «ХС»
Биир-биэс кэпсэтиитэ суох оҥорон кэбис. «ХС»; биири-биэһи билбэт – тугу да билбэт. ☉ Ничего (он) не знает, ничего (он) не ведает
Киниттэн ыйыттахтарына, биирибиэһи билбэт. Н. Түгүнүүрэп

даҥ

даҥ (Якутский → Якутский)

аат. Дьиэ, тутуу үрдүгэр кутуллар буор сабыы. ☉ Слой земли, насыпаемый на верхний настил здания для утепления
Түөрт сүллэр этиҥ түспүтүн курдук, тыас дэлбэритэ барда, ийэ буор сирэ доргуйан титирии түстэ. Санаатыгар балаҕанын даҥа сирэйигэр куккуруу тоҕунна. П. Ойуунускай
Атырдьах ыйын бастакы күннэригэр кулууп хара муостата оҥоһуллан, үрдэ сабыллан, даҥа ыһыллан, хоруобуйатын саайыыга киирдилэр. М. Доҕордуурап
[Оскуола дьиэтин] кырыысата мэлийбит, муостатын көтүрэн, аанынан, түннүгүнэн таһа сылдьаллар. Сорох үөһэ тахсаннар даҥын буорун түһэрэннэр, буор өрө бурҕайа олорор. И. Сысолятин
♦ Даҥ курдук буол кэпс. - үчүгэйикуһаҕаны сэҥээрбэт, туохха да кыһаммат буолан хаал. ☉ Быть, стать равнодушным, безразличным к кому-чему-л.
Туохха да ороһуйбат, биир кэм даҥ курдук буолан хаалбыт, ити Маайыс. Күннүк Уурастыырап
Кини [Кириһээн] тиһэх күнэ кэлбитин санаан, мэнээк даҥ курдук буолан хаалбыта. Д. Таас
◊ Даҥ хара былыт - олус хара, ыһырыктыйбыт хараҥа былыт. ☉ Темное облако, тяжелая черная туча
Даҥ хара былыт сабардаата. Дьэ, онуоха соҕотохто даҥ хара былыт көтөн кэлэн икки аҥыы арылла түстэ. ПЭК ОНЛЯ I
ср. тюрк. там, дам 'крыша'