Якутские буквы:

Якутский → Якутский

кыбыстыган

даҕ. Кимтэн эмэ толлон кэмчиэрийэр эбэтэр туохтан эрэ буруйдана санаан, мүлүк-халык туттар, саатар. ☉ Стыдливый, стеснительный, застенчивый
Доҕор уолун көрсө кэлбит Кыбыстыган кэрэ кыыстыы Хатыҥчааным эрэ саспыт Суһуохтарын тыалга тарыы. Х. Горохов
Сатаан чуолкайдык саҥарбат оҕо кэпсэтэригэр олус эрэйдэнэр. …… Мантан сылтаан быһыыта-майгыта уларыйар, түҥкэтэх, кыбыстыган буолар. КИИ ОЧСҮөГ
Сорох оҕо олус кыбыстыган. ЧКС ОИиСТ

Еще переводы:

застенчивый

застенчивый (Русский → Якутский)

прил. килбик, кыбыстыган.

саатынньаҥ

саатынньаҥ (Якутский → Якутский)

даҕ. Саатыа да суохтан саатар, олус кыбыстыган. ☉ Стыдливый, застенчивый
Туох дьикти, ньүкэн оҕотой? Саатынньаҥа итиччэ дуу? Э. Соколов

кыбыстанньаҥ

кыбыстанньаҥ (Якутский → Якутский)

кыбыстыган диэн курдук
Итинник темпераменнаах оҕо наһаа кыбыстанньаҥ, мункук буолааччы: ыарахаттары көрүстэҕинэ дөбөҥнүк ыһыктынан кэбиһэр, бэйэтин кыаҕар эрэммэт. ОАП ИиЭУО
Петр Афанасьев кини оҕотук санаатын, кыбыстанньаҥын олус сөбүлүүр. М. Прилежаева (тылб.)

кыбыстыгас

кыбыстыгас (Якутский → Якутский)

кыбыстыган диэн курдук
Мааны кийиит кыбыстыгаһа бэрт, онон кини туһунан үгүһү дойҕохтонуллубат. И. Гоголев
[Арыгыһыт] кыбыстыгас, килбик, курутуйумтуо, саараҥ, муҥутах, бэйэтин куруук итэҕэс курдук сананар. ТХХ АС
Кинилэр иккиэн олус үтүө сүрэхтээхтэр, дьоһун дьоҕурдаахтар, бэрт көрсүөлэр, кыыстыы кыбыстыгастар. МТККСА

кыбыстымтыа

кыбыстымтыа (Якутский → Якутский)

кыбыстыган диэн курдук
Нарын, ыраас дууһа кыбыс - тымтыа. И. Гоголев
Уолаттар кыыстан ордук кыбыстымтыалар. Ону биллэримээри, кыргыттары баттахтарыттан тардаллар, бэл ыыстаһаллар. ЧКС АК
Мэлдьи килбик, кыбыстымтыа Соня Луиза Ивановнаны барыс диэн, кимнээҕэр да ордук көрдөстө. Л. Толстой (тылб.)