аат. Ким, туох эмэ тас көстүүтэ, быһыыта-таһаата, дьүһүнэ (үксүгэр хайҕаан, ытыктаан этэргэ). ☉ Внешний вид, облик, очертания (обычно употр. при выражении уважительного отношения)
Дьокуускай барахсан. Кини сүдү мөссүөнүгэр аан дойду култуурунай сайдыытын бары кэрдиис кэмнэрэ көстөргө дылылар. Н. Лугинов
[Уйба ныап] ыраас мөссүөннээх нуучча киһи тэ. А. Сыромятникова
И л ьи ч к ү н д ү мөс сүөнэ көрөөччүлэри итэҕэтэрдик, кэрэхсэтэрдик бэриллибит. Эрчимэн

сыһ. Бары күргүөмүнэн, тутуспутунан, көҕүспүттүү. ☉ Дружно, слаженно, споро
Оҕолор сылайыахтарыгар диэри олус бэркэ, көхтөөхтүк үлэлиир идэлээхтэр. А. Сыромятникова
Куруһуокка оҕолор көхтөөхтүк дьарыктаммыттара. Г. Угаров
Саллааттар көхтөөхтүк күлсэн ньиргиһэллэрэ. Н. Габышев
Оруос ыһыллыбыта, онтукабыт хаар түһүөн иннинэ бэрт көхтөөхтүк бытыгыраабыта. П. Егоров
△ Сэргэхтик, күө-дьаа, кэрэхсэтэрдик. ☉ Оживленно, весело, живо
Биэчэр хара маҥнайгыттан олус көхтөөхтүк барда. Н. Лугинов
Түннүккэ самыыр таммаҕа тобурҕаччы түстэ, онтон, улам хойдон көхтөөхтүк тобугураата. А. Федоров. Маҥнайгы үс-хас сыл көхтөөхтүк, үөрбүт-көппүт курдук ааспыта. В. Яковлев