Якутские буквы:

Якутский → Якутский

күүстээх-уохтаах

даҕ.
1. Ыараханы кыайар, олус кыайыгас. ☉ Физически сильный, с неослабевающей мощью, осиливающий всякую работу
Адамов олус кытыгырас, күүстээх-уохтаах уонна доруобай, тулуурдаах буолан, өлүүттэн өрүһүллүбүтэ. И. Бочкарев. Кэлиҥ даа, көччөх гынан көтүппүт Күүстээх-уохтаах уолаттарым, Күн сиригэр дьол иһин төрөппүт Күндү көмүс оҕолорум! И. Егоров
Кини бу күүстээхуохтаах эдэр киһиттэн улаханнык дьааххана саныыр быһыылааҕа. А. Сыромятникова
2. Элбэх баайдаах-дуоллаах, бэйэтигэр эрэмньилээх, элбэх сэрииһиттэрдээх, үчүгэй сэбилэниилээх (судаарыстыба, оннук судаарыстыбаҕа олорор норуот туһунан). ☉ Богатый, уверенный в себе, обладающий мощными вооруженными силами (об отдельном народе или государстве)
Бу Улуу өрүс эҥээригэр иитиллибит дьон олоҕо даҕаны, санаата даҕаны чыҥха атын, күүстээх-уохтаах буолаллар эбит. П. Ойуунускай
Күөх дириҥ далайга, Күүгүн-хааҕын балкыырга Көмүллэн өлүөм кэриэтин Күүстээх-уохтаах саарыстыбам Күргүөм үгүс норуоттуун Күдэн буолан көттүн, Күл буолан сүттүн! Эллэй

Еще переводы:

күөрчүт

күөрчүт (Якутский → Якутский)

аат. Күөрдү саталлаахтык туттарга үөрүйэх киһи. ☉ Человек, раздувающий кузнечные меха
[Уустарга] кинилэргэ көмөлөспүт күүстээх-уохтаах, модьу-таҕа балтаһыттар, күөрчүттэр, атын көмө үлэҕэ сылдьыбыт дьон ааҕыллыбатылар. МАП ЧУу

эргэнэх

эргэнэх (Якутский → Якутский)

эргэнэх күүстээх түөлбэ. — улахан күүстээх. ☉ Могучий, здоровый, сильный
Бу оҕо бэрт диэн эргэнэх күүстээх, уохтаах оҕо буола улаатан истэ. Эрилик Эристиин

аллай-чаллай

аллай-чаллай (Якутский → Якутский)

туохт. Үчүгэйдик тото-хана аһаа-сиэ; аһаан-сиэн, арыгылаан холуочуйан, киһиргээн элбэхтик айаҕалан. ☉ Сытно, обильно угощаться, есть; сытно есть-пить, быть навеселе и стать болтливым, хвастливым
Аллайанчаллайан истилэр. Кинилэр саҕа өйдөөхмэйиилээх, кинилэр саҕа күүстээх-уохтаах дьон суох буолтара. М. Доҕордуурап

өбүгэлээх

өбүгэлээх (Якутский → Якутский)

даҕ. Төрдүлээх-силистээх, тардыылаах (киһи туһунан). ☉ Имеющий предка, родоначальника. Кини уус өбүгэлээх. Биллэр-көстөр өбүгэлээх
□ Былыр Чочоо диэн күүстээх-уохтаах, сут-кураан дьылга сүгэһэрдээх сылдьан дүөдэ, лааҥкы отун илиитинэн үргээн, сүөһүлэрин сыл таһаарар эмээхсин өбүгэлээх эбиппит. «ХС»

силлигирэччи

силлигирэччи (Якутский → Якутский)

сыһ. Биир тэҥ түргэн, бүтэҥи, тоҥсуйан эрэр курдук быһыттаҕас тыастаахтык. ☉ Издавая равномерно-быстрый, глуховатый шум повторяющихся ударов
Сотору кэминэн бөртөлүөт күүстээх-уохтаах бэйэлээхтик өрө дьигиһийбитинэн, салгыны силлигирэччи ытыйбытынан, өрө көтөн тахсыбыта. «Чолбон»

бөтөҥкөлөө

бөтөҥкөлөө (Якутский → Якутский)

дьүһ. туохт. Хорсуннук, дьорҕооттук тутун (үксүн күүстээх-уохтаах көрүҥнээх эдэр киһини этиллэр). ☉ Быть смелым и энергичным в своих действиях (в основном о молодом, молодцеватом человеке)
Итини истээт, өрүһүспүт курдук, били Илибиэтэ эмээхсин тастыҥ сурдьа, өрө бөтөҥкөлөөн кэлэн, күрдьэҕи бадарааҥҥа батары аста. Болот Боотур

буһурҕаччы

буһурҕаччы (Якутский → Якутский)

сыһ. Тыастаахтык (быһыттаҕастык тыастары таһааран таныынан тыыныы туһунан). ☉ Шумно, с шумом (об учащенном сильном выдыхании воздуха носом)
Тимир көлө Бурдьугунуу-бурдьугунуу Буһурҕаччы тыыммахтаата. П. Ойуунускай
Кыргыттар ынахтара, буһурҕаччы тыынатыына, хоруудаттан кураанах уотурбаны салыы тураллар. С. Никифоров
Бу күүстээх-уохтаах эдэркээн киһи кинилэр диэки санаалааҕыттан туохтан даҕаны дьааххаммакка, тот оҕус курдук, буһурҕаччы тыыммахтаата. А. Сыромятникова

доп-доруобай

доп-доруобай (Якутский → Якутский)

даҕ.
1. Олох туга да ыалдьыбат чөл туруктаах (киһи). ☉ Обладающий очень крепким здоровьем, совершенно здоровый (человек)
Бары доп-доруобай сылдьыахха, таптыыр-талаһар идэлэрбитин баһылыахха... У. Нуолур
2. көсп. Бөҕө-таҕа көрүҥнээх, күүстээх-уохтаах. ☉ Сильный, крепкого сложения
Доп-доруобай кырдьа барбыт дьахтар, тоҕу илгистэн кэлэн түннүгү да көрдөрөр бокуойдаабата. П. Чуукаар
Доп-доруобай тырахтарыыс икки толору куҥнаах харыларын сыттанан, умса түһэн утуйан хаһыҥырыыр. Р. Кулаковскай

иҥиирдэн

иҥиирдэн (Якутский → Якутский)

туохт.
1. Иҥиир саптаах буол. ☉ Иметь, приобретать сухожильные нитки
[Балааҕыйа:] Күтүөркүтүр, иҥиирдэнэҥҥин төһөнү эрэ бүтэрдиҥ! Амма Аччыгыйа
2. көсп. Күүстээх-уохтаах буол. ☉ Входить в силу (окрепнуть), стать сильным
Такымҥынан доҕуйа, Туйаххынан битийэ Хатан эрчим иҥиирдэнэн, Хаҥыл, эмньик бэйэлэнэн, Толоон устун уһуннук Туораахтаныый, кулунчук. П. Дмитриев

өрүһүлүн

өрүһүлүн (Якутский → Якутский)

өрүһүй диэнтэн атын
туһ. Кирилл Адамов олус кытыгырас, күүстээх-уохтаах уонна доруобай, тулуурдаах буолан өлүүттэн өрүһүллүбүтэ. И. Бочкарёв
Ол алдьархайдаах кэмҥэ Өлөр биитэр өрүһүллэр мүччүргэҥҥэ Килиэп өлбөт мэҥэ Алыптаах уутугар тэҥнээҕэ. И. Федосеев
[Эрилик Эристиин] ийэтин ууһа халыҥаан иһэн өрүһүллүбэт охсуһууларга түбэспитэ. «ХС»