Якутские буквы:

Якутский → Якутский

көлөһүннүрүү

көлөһүннүр диэнтэн хай
аата. Хортуоппуй чөмөҕүн үөһээ сүүрбэ-отут сэнтимиэтир халыҥнаах араҥата сиик тардан көлөһүннүрүүтүн бары билэбит. Ити сылаас салгын тымныы хортуоппуйга тиийэн эмискэ сойоруттан буолар. ФНС ССХА

көлөһүннүр

туохт.
1. Тиритэн, көлөһүн буол (киһи, сүөһү туһунан). ☉ Потеть, покрываться, обливаться потом (о человеке, животных)
От охсон көхсө көлөһүннүрбүт. — Икки атахтара уйбакка тиитин анныгар лах гына олоро түстэ. Этэ бүтүннүү көлөһүннүрдэ, дэлби тириттэ. Г. Угаров
△ Көлөһүн иҥэн хараар, киртий. ☉ Пропитываться потом, засаливаться (об одежде)
Дэлби тиритэн маайката көлөһүннүрбүт. — Сүрэҕэ быллыгыраччы тэбэр, көлөһүннүрбүт ырбаахыта этигэр сыстыбыт. А. Фадеев (тылб.)
2. Сиигир, сиигинэн бүрүлүн (хол., түннүк өстүөкүлэтэ). ☉ Запотевать, покрываться испариной (о стекле)
Дьиэ иһин салгылаппат буоллахха, сотору буолаат салгыҥҥа элбэх уу мунньуллар, түннүктэр көлөһүннүрэн бараллар. ЗЕВ ОДьГ

Еще переводы:

отпотевать

отпотевать (Русский → Якутский)

несов., отпотеть сов. разг. тирит, көлөһүннэн, көлөһүннүр.

тиритимтиэ

тиритимтиэ (Якутский → Якутский)

даҕ. Көлөһүннүрэр, наһаа тиритэр. ☉ Потливый, обильно потеющий
Чараас, сымнаҕас, салгыны аһарымтыа таҥас наада — хат дьахтар тиритимтиэ буолар. ТЕН ИДь

көбөҥкө

көбөҥкө (Якутский → Якутский)

даҕ. Күүһэ, сэниэтэ суох, түргэнник сылайар, көлөһүннүрэр (ат туһунан). ☉ Невыносливый, слабосильный, скоро потеющий (о лошади). Көбөҥкө ат
ср. ног. көбен ‘непривычный к физическому труду’

көлөһүннүй

көлөһүннүй (Якутский → Якутский)

көр көлөһүннүр
Көлөһүннүйбэт күөх ыаҕайа баар үһү (тааб.: халлаан). Көлөһүннүйбүт маҥан ырбаахылаах …… уолан киһи маҥаас оҕуһунан сыарҕаҕа бугуллары угаайылаан, сыннаран аҕалан от кэбиһиллэр сиригэр сүөкүү турара. «ХС»
Күннүктээн хонууга үлэлээн, Көлөһүннүйэн кэллэххэ, Көдьүүстээх буолбат дуо, баанньык? Н. Некрасов (тылб.)

тирит

тирит (Якутский → Якутский)

туохт. Итииргээн көлөһүнүҥ бычыгыраан таҕыс, көлөһүннүр. ☉ Покрываться потом, потеть
Куттанан дэлби тириппитим. Н. Неустроев
Утаакы гыммата, дэлби тириппит оҕо тоҥон уһуктан кэллэ. Суорун Омоллоон
Өҥүрүк куйааска тириппит сүөһүлэр көлөһүннэрин сыта билиннэ. Л. Попов
ср. др.-тюрк., тюрк. тер ‘пот’, др.-тюрк. терит ‘потеть’

көлөһүннэн

көлөһүннэн (Якутский → Якутский)

  1. көлөһүннүр диэн курдук. Кыыс ньылыбырас солко былаата сиигирэн хаалла. Өстүөкүлэ кытта көлөһүннэннэ. Л. Попов
    Муус дьаҥха буола көлөһүннэммит ыҥыырдаах аттар, туманынан тыынан кэбиһэ-кэбиһэ, муҥ кыраайдарынан айаннаан истилэр. Уустаах Избеков
  2. көсп. Батталга сырыт. ☉ Быть эксплуатируемым, угнетаемым, бесправным
    Саамай ыар балаһыанньаҕа кулуттар кылаастара олорбута. Иккис көлөһүннэнэр кылааһынан бааһынайдар этилэр. КФП БАаДИ
    1918 с. тохсунньу саҥатыгар В.И. Ленин «Үлэһит уонна көлөһүннэнэр норуот бырааптарын Декларациятын» бырайыагын суруйбута. «ХС»
тирит-хорут

тирит-хорут (Якутский → Якутский)

туохт.
1. Аһара күүскэ хамсанан-имсэнэн наһаа көлөһүннүр, көлөһүн алын. ☉ Сильно потеть, покрываться потом из-за чрезмерного физического напряжения
Түүлээх Уллуҥах дэлби тириппит-хоруппут. Суорун Омоллоон
Анньыһар Боотур Киис Бэргэни кыргыс үөрэҕэр уһуйан тиритэхорута сылдьаллар. И. Гоголев
Күүстээх Соппуруон тиритэн-хорутан хайаны түһэн иһэрэ. НЕ ТАО
2. көсп. Туох баар күүскүн-кыаххын биэрэн туран үлэлээ. ☉ Трудиться в поте лица
Сааска ойоҕун аҕатын маҕаһыына байарын туһугар тиритэ-хорута үлэлиэн төрүт баҕарбат. У. Ойуур
[Махтал сурук] тириттэххинэ-хоруттаххына, үтүө суобастаахтык үлэлээтэххинэ кэлэр эбит. «ХС»