Якутские буквы:

Якутский → Якутский

көтүөлэс

көтүөлээ 2 диэнтэн холб. туһ. Мустубут көтөрдөр айманан, көтүөлэһэн бардылар. Саха ост. I
Вася ойон тураары атаҕын өлөрөн, тулуйа сатыы сыттаҕына, дьоннор көтүөлэһэн түстүлэр. Д. Токоосоп
Көмүлүөк оһоххо уот оттуллан күлүбүрүүкүлүбүрүү умайар, үрүҥ төлөннөр эккирэһэ-эккирэһэ өрүтэ көтүөлэһэллэр. Күндэ

Еще переводы:

күскэрис

күскэрис (Якутский → Якутский)

күскэрий диэнтэн холб. туһ. Поэт ол ырыаҕа муҥура суох баайдаах Бүлүү өрүһүн биэрэгэр көп түүлээх күскэриспит эһэлэр көтүөлэһэллэрин …… туойар. М. Тимофеев-Терешкин

кыккырас

кыккырас (Якутский → Якутский)

кыккыраа диэнтэн холб. туһ. Кыккыраһар-тыккыраһар тырытыалар Кыллыгырыы-чыллыгырыы ылластылар, Күүгэннэнэр, көтүөлэһэр күрүлгэннэр Көҥүстэрдиин көрсүһээри түмүстүлэр. П. Тобуруокап
Үрүйэлэр уулара кыккыраһа сүүрүгүрэллэр, чалым уунан халыйбыт хотооллору туораата. Уустаах Избеков

тырытыа

тырытыа (Якутский → Якутский)

аат., түөлбэ. Толооҥҥо уу хаһыытыттан үөскээбит хаспах; ол хаспаҕынан сүүрүгүрэр үрүйэ. ☉ Промоина в долине; ручеёк, протекающий по этой промоине
Кыккыраһар-тыккыраһар тырытыалар Кыллыгырыы-чыллыгырыы ылластылар, Күүгээннэнэр, көтүөлэһэр күрүлгэннэр Көҥүстэрдиин көрсүһээри түмүстүлэр. П. Тобуруокап
Сотору хаар ууллуо, чалбахтар үөскүөхтэрэ, тырытыалар сүүрүөхтэрэ. Н. Босиков

эрэспиэскэһит

эрэспиэскэһит (Якутский → Якутский)

аат. Эрэспиэскэҕэ сылдьар, эрэспиэскэлиир киһи. ☉ Разведчик
Сотору эрэспиэскэһит уолаттар көтүөлэһэ түстүлэр. Үһүөн үчүгэй өргөстөр, доруобай эт-сиин, сытыы сирэй-харах. ССХУо
Чычымахтан Булудьума Амматыгар үрүҥ бандьыыттар эрэспиэскэһиттэрэ кэлэ-бара тураллара. «Чолбон»
Түүҥҥү сэриигэ Абаҕа пионердарын утарсыыларыгар кэтиллэ түһэн атахха биллэрбит үрүҥнэр бу курдук чабыламмыттара: «Эрэспиэскэһиттэрбит биһигини албыннаабыттар». Б. Лунин (тылб.)

тигиилээх

тигиилээх (Якутский → Якутский)

даҕ. Тигиллибит. ☉ Сшитый
Бэрт бөҕө тигиилээх Бириһиэн көстүүмнээх. С. Данилов
Кыыс сахалыы тигиилээх уһун кулгаахтаах тииҥ бэргэһэлээх. В. Протодьяконов
Саалаах, бэргэһэлэригэр үрүҥ өрбөх тигиилээх дьон көтүөлэһэн киирдилэр. Дьүөгэ Ааныстыырап
◊ Тигиилээх сирэйдээхтэр — урут олоро сылдьыбыт, сирэйдэрин тигэн ойууланар биллибэт былыргы биистэр. ☉ Люди древних северных племён неизвестного происхождения (букв. с шитыми лицами)
Кинилэр [туматтар] манна олохтоох тигиилээх сирэйдээх Дьирикинэй омуктары кыайбыттара. Далан
Куукуй Тарбыыр тигиилээх сирэйдээх, ыт көлөлөөх туундара дьонун түүлээхтэрин уонна табаларын үөрдэрин албыннаан, буор босхо ылан байбыта үһү. Л. Попов
Уҥа илиигинэн бардаххына тигиилээх сирэйдээх дьирикинэй омуктарга тиийиэҥ, онон барыма. В. Титов