сыһ. Төтөлө суох түргэнник уонна уҥуоҕа суохтук. ☉ Слишком быстро, торопливо, нечленораздельно, невнятно (говорить)
Сымса харахтарынан дьэргэлдьиччи көрөн, түргэн саҥатынан дьабдьыгыраччы кэпсэтэн, күтүөт оҕо моҕохтоох собону сиэн хоммут. Амма Аччыгыйа
Оҕонньор дьабдьыгыраччы саҥарарын омунугар «уон-нана өссө маннык баар» диэт, остуоруйалаан дуу, чабырҕахтаан дуу куллугураппытынан барара. П. Ядрихинскай

туохт. Имиллэн түүрэ тардыллыбыт, мырчыстыбыт курдук буол. ☉ Собраться складками, сморщиться
Бу оччо-бачча өтүүктэммэтэх көстүүмнээх, харталаммыт сирэйдээх, аа-дьуо саҥалаах киһи тыа учуутала ээ. Н. Кондаков
Харталаспыт моҕохтоох сааһырбыт хирург дьахтар үрдүбэр нөрүйэн ааста. Түһүлгэҕэ т. [Сергучёв] кубархай иэдэстэрин мыччырыстаҕастара харталаһан, хойдон ылаллар. В. Яковлев
ср. каракалп. катлам ‘пласт’

хатталаа диэнтэн холб. туһ. Быһыт хаһаайына Охоноос Оллооноп хатталаспыт моҕохтоох, сирдойду сиҥниэ диэбиттии аа-дьуо иҥнэҥнээн хаамар киһи, миигинниин биир тылы айах атан кэпсэппэт. Күндэ
Үрэх уҥуоргу өттүнээҕи хара мастаах сис үөһэ өттүнэн хаар бэргэһэлэрин иилинэ охсубут тараҕай таас дьааҥылар хатталаһан бардар бара тураллар. «Кыым»
Уу өрө ыһыллан тахса-тахса хайа биэрэгэр хатталаһан тоҥон иһэр эбит этэ. В. Арсеньев (тылб.)

сыһ.
1. Түргэнтүргэнник элэгэлдьитэн, сэргэхтик (көр). ☉ Живо, бросая быстрые взгляды (смотреть)
Сымса харахтарынан дьэргэлдьиччи көрөн, түргэн саҥатынан дьабдьыгыраччы кэпсэтэн, күтүөт оҕо моҕохтоох собону сиэн хоммут. Амма Аччыгыйа
Тэбэнэттээх хараҕынан Тороевы дьэргэлдьиччи көрөн ылбахтыыр. Л. Попов
Кэрэ кулун оҕотун курдук Дьэргэлдьиччи чэрэлдьиччи көрбөхтөөтө. Күннүк Уурастыырап
2. Түргэнник, чуолкайдык, өрө көтөҕүллүүлээхтик (эт, саҥар). ☉ Легко и быстро, энергично, живо, воодушевленно (говорить)
Дьэ, доҕоттор, Дьэргэлдьиччи этэр, Дьэрэкээннээн иһэр Тохтоотоҕо буолуо. П. Ойуунускай