сыһ., кэпс. Намчы, на рын гына (оҥор). ☉ Тонко, нежно, изящно (делать, мастерить что-л.). Күн дү металлары намчытык чочуйан оҥороллор
△ Нарыннык, имигэстик (тутун, саҥар). ☉ Мягко, нежно, изящно (держаться, говорить)
Маайыстаан, бэс китин хомунан Намчытык тарааҕын анньынна. Күннүк Уурастыырап. Күүс биэ рэр төлөннөөх тапталы Күндэ кимнээҕэр даҕаны долгутуулаахтык, киһи сүрэҕин-быарын ортотунан киирэр гына нарыннык, намчытык эппитэ. Софр. Да нилов
♦ Оттооҕор намчытык, уутааҕар чуумпутук калька. — олус көрсүөтүк, бил либэккэ-көстүбэккэ (сырыт). ☉ соотв. тише воды, ниже травы
Сайыҥҥы өрөбүл иннинээҕи үс нэдиэлэҕэ Сыҕаайаптаах оттооҕор намчытык, уутааҕар чуумпутук сырыттылар. Амма Аччыгыйа

даҕ. Үтүөкэн, нарын, намыын. ☉ Нежный, мягкий и прекрасный
Кини бэйэтин хартыыналарыгар наһаа кэрэ-намчы дьахталлар мөссүөннэрин ойуулаабыта. АЕВ ОҮИ

даҕ., кэпс.
1. Уран, нарын, тупсаҕай оҥоһуулаах. ☉ Тонкий, нежный, изящный
Намчы кэнчээрини уу курдук кэһэн, ходуһаны туораан, б и һи г и бурдук сиригэр таҕыстыбыт. Амма Аччыгыйа
Намчы оҥоһуулаах наарта сыарҕа хаарга сыстар сыстыбат сыыйыллар. Т. Сметанин
Хойуу сэбирдэхтээх намчы лабаалар кини кэтит саннын имэрийэн хаалаллар. А. Сыромятникова
△ Олус нарын, сымнаҕас (хол., түүнү этэргэ). ☉ Очень нежный, тонкий, мягкий (напр., о шерсти)
Наһаар дьиэтин мала туйгун, Намчы түүлээх көбүөрдэрдээх …… Негритянскай, арабскай купсууннардаах. Р. Баҕатаайыскай
Намчы түүлээх бараан түүтэ ыйга уон милимиэтир уһуур. БК БК
2. Нарын, уурбут-туппут курдук быһыылаах-таһаалаах (киһини этэргэ). ☉ Нежный, тонкий, изящный (о внешности человека)
Намчы бэйэлээх, н аҕы л быһыылаах Дуоктар иһэр Мария Ивановна, Нуучча кыыһын талыы нарына. С. Данилов
Намчы киһи нарын Байбал, намыын-намыын Марыынатын Үөрдэр өйдөөх, үөһэ тыынна, үс биһилэх саатын ылла. Күннүк Уурастыырап
3. Холку, синньээн, нарыннык иһиллэр (саҥа, куолас туһунан). ☉ Приятный, спо койный, нежный (о голосе, звуке)
Саҕынньахтаах үллэйбит табаһыта арай: «Уой, туох абааһы киһитэй!» — диэбитэ, оҕолуу намчы саҥа иһиллибитэ. Н. Габышев
Бэйэбит испитигэр улаханнык биллибит солистардаахпыт. Николай Гоголев сүрдээх намчы куоластаах. ВВ ТТ
4. көсп. Истиҥ, сымнаҕас (майгы-сигили туһунан). ☉ Мягкий, сердечный, душевный (о характере человека)
Ньукулаас дараҕар кэтит сарыннаах, улахан уҥуохтаах, ол гынан баран көрүҥэр сөп түбэспэт ураты намчы майгылаах. С. Никифоров
Дуня урут кыраттан да тымта түһэрэ суох буолбут, ол оннугар наҕыл, намчы сигили көстөр. А. Фёдоров

даҕ.
1. Нап-намыын, уран көстүүлээх, оҥоһуулаах, олус кэрэтийэн көстөр. ☉ Тонкий, изысканный, изящный, нежный
Ама, мантан ордук нарын-намчы кылааннаах баар үһүө. А. Сыромятникова
Маннык кэрэ, уус-уран, нарын-намчы оҥоһуктар умнуллан быраҕыллар дьылҕалара суох. «Кыым»
2. Наҕыл, эйэҕэс (киһи майгытынсигилитин туһунан). ☉ Ласковый, нежный, спокойный, мягкий (о характере человека)
Ньукулаас дараҕар кэтит сарыннаах, улахан уҥуохтаах, ол гынан баран көрүҥэр сөп түбэспэт ураты нарын-намчы майгылаах. С. Никифоров

мягкий, нежный; намчы оттоох сир местность с низкой мягкой (питательной) травой.