Якутские буквы:

Якутский → Якутский

ньалҕаарыччы

сыһ.
1. Биир дэхситик килэрийэн көстөр гына. ☉ Так, чтобы легло ровно, гладко
[Аанчык] кэтэҕэр өрөһөлүү эриммит чачархайдыҥы баттаҕын ньалҕаарыччы тарааммыта. Амма Аччыгыйа
Саары килэрийэн көстөр буоллун диэн, куурусса сымыытын үрүҥүнэн ньалҕаарыччы сотуллар. АЕЕ ӨҮОБ
Уол ньуосканы толору отону, онтон сүөгэйи уоппута уонна ньуоскатын ньалҕаарыччы салаан кэбиспитэ. «ХС»
2. көсп., кэпс. Кистии-саба соҕус, сэрэнэн, албыннаспыттыы (саҥар). ☉ Вкрадчиво, ловко, сглаживая острые углы (говорить)
«Аара оптуобуспут алдьанан өрүс ортотуттан сатыылааммыт, дэлби сылайаммын Кумах Сыырга хоннум», — диэн Мүчүк ньалҕаарыччы сымыйалаан кэбистэ. Р. Баҕатаайыскай
Ити кэнниттэн Давыдов, силиэдэбэтэл Сергеева сыыһа дьайыытын туһунан кэмигэр өйдөтө, сүбэлии сатаабыппыт диэн ньалҕаарыччы соҕус эппит. М. Попов

Еще переводы:

моччоччу

моччоччу (Якутский → Якутский)

сыһ. Ньалҕаарыччы, килэриччи. ☉ Так, что блестит, лоснится, разгладилось
Моччоччу тараан.  Моччоччу уойбут. ПЭК СЯЯ

ньолхооруччу

ньолхооруччу (Якутский → Якутский)

көр ньалҕаарыччы
Үгүйүк чороон иһитин Ньолхооруччу умунуохтаан, Тооромостуур арыылаан Тоһуйа тутан кэбиспит. С. Зверев

таранылын

таранылын (Якутский → Якутский)

таран диэнтэн атын
туһ. Зона — хатыылаах боробулуоха, таттарыллыбыт, тараныллыбыт сир, аллара — ыттар, быыскаҕа — харабыллар. Далан. Чохоон арыылыы мөлбөйбүт, ньалҕаарыччы тараныллыбыт кэбиһиилээх оттор… Э. Соколов
Тирии …… мас көөбүлүттэн ыраастаныллар, тараныллар уонна көннөрүллэр. ПГН НХҮөС

чачархайдыҥы

чачархайдыҥы (Якутский → Якутский)

даҕ. Чачархай соҕус. ☉ Чуть рыжеватый, жёлтый, светло-коричневый (о волосах)
Аанчык кэтэҕэр өрөһөлүү эриммит чачархайдыҥы баттаҕын ньалҕаарыччы тарааммыта. Амма Аччыгыйа
Пааматынньыкка Степан Мохов диэн кыра уҥуохтаах, чачархайдыҥы уол кэлбитэ. «ХС»
Чачархайдыҥы толбонноох намчы, будьурхай баттахтаах. Н. Некрасов (тылб.)

килэриччи

килэриччи (Якутский → Якутский)

сыһ. Килэрийэн көстөр буола; ньалҕаарыччы. ☉ Словно отполированный, так, что лоснится; до блеска, гладко
Били эмээхсин сыаны, арыыны дэлби сиэн, …… килэриччи уойда. Саха ост. I
Кулаковскай килэриччи элэйбит түнэ саппыйаны таһааран, бөппүрүөскэ эринэ турда. Амма Аччыгыйа
Кини уҥа иэдэһигэр килэриччи оспут улахан баас чэрдээҕэ. С. Никифоров

мылаҕар

мылаҕар (Якутский → Якутский)

даҕ. Кэтит, этиргэн сирэйдээх (хантаччы тутта сылдьар киһини этэргэ). ☉ С широким, мясистым лицом со вздёрнутым подбородком
Хара баттаҕын ньалҕаарыччы тарааммыт, орсоҕор тииһэ мылаҕар тө гүрүк сирэйигэр ордук бэлиэтик көс түбүт Кэнчээри …… саҥара-саҥара, кэккэлэһэ хаа ман испитэ. М. Попов
ср. бур. пилагар ‘широкий (только о лице)’

ньолҕоруччу

ньолҕоруччу (Якутский → Якутский)

сыһ. Биир тэҥник килэриччи, ньалҕаарыччы. ☉ Так, чтобы равномерно лоснилось и блестело. Ойуун икки илии хаһалаах байтаһын биэ түөрт ойоҕоһун ууран биэрбиттэрин сиэн уоһун, сэҥийэтин ньолҕоруччу соттон кэбиһэ-кэбиһэ, кэпсии олордо. Күннүк Уурастыырап
Тылын былас түһэрэн, Ньолҕоруччу тиритэн Сүүрэн иһэр биир киһи. И. Гоголев

ньылбаарыччы

ньылбаарыччы (Якутский → Якутский)

сыһ. Ыраастык, кылааккайдык; ньалҕаарыччы. ☉ Ровно, гладко, аккуратно (напр., пригладить)
Онон-манан кылабачыйар хап-хара баттаҕын ньылбаарыччы тараанан кэтэҕэр өрбүт, …… хатыҥыр эмээхсин мичээрдии турда. Софр. Данилов
Сыыр анныттан сөтүөлээччилэр таҕыстылар. Инчэҕэй уһун баттаҕын кэннигэр ньылбаарыччы тараана-тараана субу тиийэн кэлбит Василий Петрович. Далан
Аанча …… хабдьыны түөһүгэр ыалдьыа диэбиттии сымнаҕастык сыһыары тутта, нарын тарбахтарынан ып-ыраас муус маҥан түүтүн ньылбаарыччы имэрийтэлээтэ. Болот Боотур

сибэккилии

сибэккилии (Якутский → Якутский)

сыһ. Сибэкки курдук, сибэккигэ майгынныырдыы. ☉ Как цветок, наподобие цветка (напр., сохнуть)
[Охоноос] түөһүгэр уот кыһыл таҥаһы сибэккилии анньыммыт, чачархай чанчыктаах ньуолах баттаҕын кэлти тардан, ньалҕаарыччы тарааммыт. Амма Аччыгыйа
Остуолум барахсантан уһун кэмҥэ тэйэммин, Уута суох сибэккилии иинним-хаттым, иэдэйдим. С. Тарасов
Дьол-үөрүү кини түөһүн иһигэр бу сааскы сибэккилии өрө үтэргэ дылы гынна. Н. Түгүнүүрэп

сииктэн

сииктэн (Якутский → Якутский)

туохт.
1. Холбооттуур, силбиир сииктээх буол. ☉ Иметь шов, быть прошитым
Тимиринэн сииктэммит, алтанынан ардайдаммыт, көмүһүнэн көпсөлөммүт, кумаҕынан кунустаммыт сир ийэттэн …… үөскээн-үөдүйэн тахсыбытым. ПЭК ОНЛЯ III
2. Баттаҕы икки аҥыы араарар сииктээх буол. ☉ Иметь пробор
[Аанчык] кэтэҕэр өрөһөлүү эриммит чачархайдыҥы баттаҕын ньалҕаарыччы тарааммыта, муус-маҥан куйахата сииктэнэн көстүбүт. Амма Аччыгыйа