дьүһ. туохт. Үҥүйэ турар ньирэй курдук нөрүччү туттан дьүккүҥнээн хаамп. ☉ Двигаться, ходить, сильно наклонившись вперед
Таһыттан Боруукай оҕонньор үҥүлүҥнээн киирдэ, кэнниттэн саҥа ойоҕун батыһыннарбыт. Болот Боотур

дьүһ. туохт. Кыараҕастык үктэнэн сүүр (уһун, киэҥ таҥастаах кыра оҕо нөрүччү туттан сүүрэрин этэргэ). ☉ Бежать мелкими шажками (о маленьком ребенке, одетом в просторную и длинную рубаху)
Ыкысыкы ырыалаах Ылгын кыра уолчааным Быыччык ойуу хонууга Быкырыйа сүүрэр дии. А. Старостин

дьүһ. туохт. Инниҥ диэки нөрүччү, нүксүччү тутун (улахан уҥуохтаах кырдьаҕас киһи туһунан). ☉ Немного наклониться вперёд (о старом худощавом человеке высокого роста)
«Сэлиэһинэй өлгөм үүнүүтүн өрөһөлөөн ылыахтара. Ол баҕас чахчы буоллаҕа эбээт», – диэтэ өҥкөллөн олорон Толбооноп оҕонньор. М. Доҕордуурап

сыһ., кэпс. Сэниэтэ суоҕунан хардыылаан, илиилэргин босхо ыытан, умса туттан (хаамп). ☉ Вяло переставляя ноги, безвольно свесив руки, понуро (идти)
Кини, иннин диэки нөрүччү туттан, хайдах эрэ салбык-илбик гыммыкка дылы хаампыт киһи этэ. Саха сэһ. 1977

сукуй I диэнтэн субул
көстүү. «Дьэ, буоллаҕа», — диэн кэбиспитэ оҕонньор уонна нөрүччү туттан тыаһа-ууһа суох үүтээнин диэки сукулдьуйбута. В. Яковлев
Кыыс иһирдьэ хоско киирэр аан диэки сукулдьуйда. «ХС»

сыһ. Саһардыы, көстүбэт буолардыы, нөрүччү, төбөҕүн ньыхаччы (тутун). ☉ Наклонившись всем корпусом, втянув голову в плечи (словно скрываясь или прячась от кого-чего-л.)
Дмитрий Ильич, оҥочо ортотугар кириччи туттан олорор. С. Никифоров
Чаҕыл кириччи туттан олордо. С. Дадаскинов. [Папуас тардыалаатаҕына] кыыс ыалдьыбыт курдук кириччи туттара. ЛНК СДЬО

даҕ. Иннин диэки нөрүччү туттубут (түөһэ тимирчи киирбит уһун хатыҥыр киһи туһунан этэргэ). ☉ Сутулый, подавшийся вперёд (обычно о высоком, худощавом человеке со впалой грудью)
[Оҕонньорууска] Тээстэрэби ырбаахытын уолугуттан харбаан ылла. Өкчөгөр киһи бүтүннүү титирэстээтэ. А. Сыромятникова
Үрүҥ ыраахтааҕы Үтүргэннээх үйэтин саҕана, Үлүгэрдээх ыар баттал Үрдүбэр сүгүллэн Үөлээннээхтэрим иннинэ Өкчөгөр бэйэлээбитэ. С. Васильев
Эһиэхэ үлэлээн, Өкчөҕөр көҕүстэммитим. «ХС»

аат., үөхс. Өлөрүөхсүт. ☉ Убийца, душегуб
[Дуугулааһап:] Бэрт үгүс көмүсчүт дууһатыгар турбут сиэхсит дииллэрэ. Н. Якутскай
Бу сиэхситтэр миигин сиэбиккит иһин, эһиги даҕаны түбэһиэххит! Эрилик Эристиин
«Аа, абам, сиэхситтэр, оттон, дьэ, бэйи…», — итиэннэ, быһахтаах илиитин даллатан, бэйэтэ нөрүччү туттан, уолга утары хаамта. Уустаах Избеков

дьүһ. туохт. Төбөҕүн нөрүччү соҕус туттан баран инниҥ диэки дьүккүйэн бар (көт, хаамп). ☉ Лететь, идти вперёд, пригнув голову
Кынаттаах биистэрэ Ленаны Кыһынын туорууртан саллаллар, Хам аччык суор арай чысхааны Харса суох утары суксуйар. И. Гоголев
Силип босхоломмут үөрүүтүттэн көтүөр кыната эрэ суохтук сананан, дьиэлиир суолунан хааман суксуйбутунан барбыта. Күннүк Уурастыырап
Дөрүн-дөрүн күөлү үрдүнэн суор соллоҥноохтук кылана-кылана көтөн суксуйан ааһар. И. Федосеев

дьүһ. туохт. Төбөҕүн нөрүччү соҕус туттан туран сүүһүҥ аннынан көр. ☉ Слегка опустив голову, смотреть исподлобья
Бу маһы Эргим-ургум хааман …… Дьүһүн бодо одуулаан Супту көрөн Сургуллан турдахха — …… Балкыырдаах, бадьыр долгун мутукчалаах эбит. Күннүк Уурастыырап
Хампа налыы тыа им-ньим баран, сүүһүн аннынан көрөн сургуллан турда. Суорун Омоллоон