туохт. Тугу эмэ туохха эмэ сөп түбэһиннэр, дьүөрэлээ. ☉ Найти сходство, соответствие в чём-л.
Настаа эмээхсин дэлэ киитэрэй буолбатах — Уйбааскы ыал буолара алдьамматын диэххэ айылаах хабааннаан саҥарар. П. Ойуунускай
Акка бэйэтин сигилитигэр-майгытыгар хабаанныыр аат бэриллибит быһыылааҕа. Н. Заболоцкай
Олимпиада үрдүкү кылаас үөрэнээччилэрэ идэлэрин химияҕа хабааннаан талалларыгар көмөлөһөр. ДМЕ ИТ

аат. Тус-туспа суруллубут үлэлэри, айымньылары, докумуоннары бииргэ түмэн, бэчээттээн таһаарбыт кинигэ. ☉ Сборник (напр., статей, задач)
Алёша Кылайаанап хомуурунньугун бэҕэһээ бүтэрэн, кылаабынай эрэдээктэргэ киллэрбитэ. Далан
Кылаас иннигэр араас омуктар остуоруйаларын хомуурунньуктарын быыстапката туруоруллар. ФНИ ТСАаКМ
[Академик Сергей Львович Соболев] уонна учуонайдар олимпиада задачаларын хомуурунньугун таһаарыыларын тэрийбитэ. И. Федосеев

туохт.
1. Сырдыктан мэһэйдэтэн эбэтэр ырааҕы көрөөрү, ытыһыҥ кырыытынан эбэтэр тугунан эмэ хараҕыҥ үрдүнэн сүүскэр хаххалыы, кыһалыы тут. ☉ Прикрывать, заслонять глаза рукой, приложив её ко лбу козырьком (от света или чтобы смотреть вдаль)
Алаас уҥуор мэччийэ сылдьар сүөһүлэри чарапчыланан одууласпыта буолбута. И. Гоголев
«Көр, тыал түһээри гыммыт!» — Тит Горохов өрүс диэки чарапчыланан көрдө. С. Дадаскинов. Ойуун былаайаҕынан чарапчыланан түөрт өттүн көрүөлээтэ. «Чолбон»
2. көсп. Туохха эмэ (үксүгэр кыаллыа суохха) санан, турун. ☉ Замахнуться, позариться на что-л. труднодоступное
Тамыйах абааһыта кулуҥҥа чарапчыламмытыгар дылы (өс хоһ.). [Вера Семёновна:] Өссө, хотуой, биһиги куоракка таас дьиэҕэ чарапчыланан көрөр санаалаахпыт ээ. И. Семёнов
Бөҕөстөр ХХ-с Олимпиада кыһыл, үрүҥ көмүс уонна боруонса мэтээллэрин иһин чарапчыланан кэбиспиттэрэ. КИС АаДЧ