аат., эргэр.
1. Хаайыы: буруйданан уһун болдьоххо түбэспит киһини хаайан сытыарар дьиэ. ☉ Острог, тюрьма
Оҕо бэйэм оҕонньор буолуохпар дылы Остуруок хотун Олохтонуом дии санаабатаҕым. Саха нар. ыр. II
[Тойон:] Ылыҥ бу ыты [Манчаарыны] Күүскүтүнэн ылан, Күүлэҕэ быраҕыҥ! Көһүйэ түстүн, Ол кэннэ Остуруокка утаарыҥ! А. Софронов
Ыалдьыт Николай Гаврильевич олорор остуруогун остуораһын, оскуолаҕа сылдьар оҕолорун үөрэхтэрин туһунан кэпсэтээри таарыйбыта. П. Филиппов
2. Сибииргэ тутуллубут былыргы кыракый куораттар, кириэппэстэр. ☉ Острог, пограничная крепость. Институппут Приклонскай остуруога турбут сиригэр турар
□ Өлүөнэтээҕи остуруок бастаан Эҥсиэли утары, өрүс уҥуор, Чымаадай хонуутугар тура сылдьыбыт. БИГ ӨҮөС
Усть-Кут куорат, сурукка биллэринэн, үс сүүс биэс уон сыллааҕыта Кут үрэх кутуллан түһэр төрдүгэр олохсуйбут остуруоктан төрүттэнэн үөскээбит. «ХС»
Ити сир Зашиверскай остуруок диэн ааттаммыта. «Кыым»
♦ Остуруок дойдулаа — хаайыыга ук, хаайыыга түбэһиннэр. ☉ Посадить в тюрьму
Эн даҕаны түөкүнүҥ биллэркөстөр буолан бардын, остуруок дойдуланаар, баахты балаҕаннанаар. Саха сэһ. II
[Сөдүөччүйэ:] Манчаары куоппута да, син биир ситиэм, ириэнэх суолун ирдиэм, тоҥ суолун тордуом …… остуруок дойдулуом диир. В. Протодьяконов. Остуруок уйалан — хаайыыга олор (түбэс). ☉ Попасть в тюрьму, сидеть в тюрьме
Остуруок уйаламмыта Уһуна бэрт буолан, Улахан да куоратын иһин, Кэрэтик көрөн Кэрэхсиир киһитэ Кэмчитийэн хаалан Кэри-куру буолла. Күн Дьирибинэ